కరీంనగర్, జూలై 1: నూతన జిల్లాల ఏర్పాటులో భాగంగా వేములవాడ శ్రీ రాజరాజేశ్వర స్వామి దేవస్థానాన్ని సిరిసిల్లలో కలపకుండా కరీంనగర్ జిల్లాలోనే ఉండేవిధంగా చర్యలు చేపట్టాలని కోరుతూ సీనియర్ కాంగ్రెస్ నేత, ఎమ్మెల్సీ టి.సంతోష్‌కుమార్ శుక్రవారం ముఖ్యమంత్రి కెసిఆర్‌కు లేఖను ఫ్యాక్స్ ద్వారా పంపించారు. దశాబ్దాల చరిత్ర కలిగి శాతవాహనులు ఏలిన జిల్లా ఆధ్యాత్మిక, భక్తిప్రపత్తులతో వాసికెక్కింది.

సిరిసిల్ల, జూలై 1: విద్య, ఉద్యోగ రంగాల్లో రిజర్వేషన్ల కారణంగా ఓసి కులాలలోని రెడ్డి, వైశ్య, వెలమ, బ్రాహ్మణ కులాలలోని పేద విద్యార్థులు తీవ్రంగా నష్టపోతున్నారని జిల్లా ఓసి జెఎసి అధ్యక్షులు చెన్నమనేని పురుషోత్తంరావు ఆందోళన వ్యక్తం చేశారు. శుక్రవారం సాయంత్రం టిఎస్ ఓసి జెఎసి విద్యార్థి (యువసేన) ఆధ్వర్యంలో ముఖ్య కార్యకర్తల సమావేశం జరిగింది.

వరంగల్, జూలై 1: ప్రయివేట్ విద్యాసంస్థల్లో ఫీజులను నియంత్రించడంలో డిప్యూటీ సిఎం, రాష్ట్ర విద్యాశాఖ మంత్రి కడియం శ్రీహరి విఫలమయ్యారని ఆరోపిస్తూ శుక్రవారం ఎస్‌ఎఫ్‌ఐ, డివైఎఫ్‌ఐ, ఐద్వా ఆధ్వర్యంలో విద్యార్థులు, విద్యార్థి సంఘాల నాయకులు డిప్యూటీ సిఎం కడియం శ్రీహరి ఇంటి ముట్టడికి విఫలయత్నం చేశారు. ఈ విషయాన్ని తెలుసుకున్న పోలీసులు పెద్దఎత్తున అక్కడికి చేరుకొని విద్యార్థులను అడ్డుకున్నారు.

నక్కలగుట్ట, జూలై 1: కాకతీయ విశ్వవిద్యాలయంలో ఫారెస్ట్రీ, పర్యావరణానికి సంబందించిన కోర్సులను ప్రారంభించడానికి ప్రణాళికలను తయారుచేయాలని మహబూబాబాద్ పార్లమెంట్ సభ్యుడు సీతారాంనాయక్ సూచించారు. శుక్రవారం ఆయన గతంలో పని చేసిన బాటనీ విభాగాన్ని సందర్శించి బాటనీ విభాగం అద్యాపకులతో సమావేశం అయ్యారు.