నెల్లూరు, జూన్ 16: రెండేళ్ల పాటు ఎటువంటి అవినీతి మరక అంటకుండా పాలన అందించడమే ఎన్ డి ఏ ప్రభుత్వ తొలి విజయంగా కేంద్ర రక్షణ మంత్రి మనోహర్ పారికర్ పేర్కొన్నారు. గురువారం నెల్లూరులో ఏర్పాటు చేసిన విలేఖరుల సమావేశంలో ఆయన మాట్లాడుతూ ఎన్ డి ఏ ప్రభుత్వం రెండేళ్ల పాలనలో ఎటువంటి అవినీతి ఆరోపణలు, కోర్టు కేసులు ఎదుర్కోలేదని, సమర్థవంతమైన పారదర్శక పరిపాలన ప్రజలకు అందిస్తున్నామని స్పష్టం చేశారు.

రెంటచింతల, జూన్ 16: నాగార్జున సాగర్ కాలువలు ఆధునీకరణతో ఆయకట్టు చివరి భూములు సస్యశ్యామలంగా మారతాయని ప్రపంచ బ్యాంక్ ప్రతినిధి డాక్టర్ డికెడి రాజా అన్నారు. గురువారం గుంటూరు జిల్లా రెంటచింతల మండల పరిషత్ కార్యాలయంలో ఏర్పాటు చేసిన సమావేశంలో మాట్లాడారు. 20 కోట్ల రూపాయలతో ఏడు మేజర్లు ఆధునికీకరణ పనుల్లో భాగంగా మండలంలోని మల్లవరం మేజర్ కాలువను పరిశీలించారు.

భీమవరం, జూన్ 16: భారతీయ జనతాపార్టీ రాష్టక్రార్యవర్గ సమావేశాలు పశ్చిమ గోదావరి జిల్లా భీమవరంలో నిర్వహించనున్నారు. ఈ నెల 24, 25 తేదీల్లో సమావేశాలు జరగనున్నాయి. పార్టీ సీనియర్ నాయకులు, ప్రస్తుతం కేంద్ర కేబినెట్‌లోని పలువురు మంత్రులతోపాటు ఆంధ్రప్రదేశ్‌లో వివిధ హోదాల్లో ఉన్న నేతలు, ఎమ్మెల్యేలు, ఎంపిలు, ఎమ్మెల్సీలు సమావేశాలకు హాజరుకానున్నారు.

తిరుపతి, జూన్ 16: కలియుగ ప్రత్యక్షదైవం తిరుమల శ్రీ వేంకటేశ్వరస్వామివారి దర్శనార్థం విచ్చేసే లక్షలాది మంది భక్తులకు మరింత త్వరితగతిన, పారదర్శకంగా సేవలు అందించేందుకు రూపొందించిన నెక్ట్స్‌జన్ వెబ్‌సైట్‌ను టిటిడి కార్యనిర్వాహణాధికారి డాక్టర్ డి.సాంబశివరావు ప్రారంభించారు. తిరుపతిలోని టిటిడి పరిపాలనాభవనంలో గురువారం ఉదయం ఆయన ప్రయోగాత్మకంగా ఈ సైట్‌ను ప్రారంభించారు.