వేములవాడ, మార్చి 29: శ్రీ రాజరాజేశ్వరస్వామి ఆలయంలో జరుగుతున్న శివకళాణోత్సవాల్లో భాగంగా చివరి రోజు మంగళవారం త్రిశూల యాత్ర ఘనంగా జరిగింది. ధర్మగుండంలో త్రిశూలానికి వేదపండితులు ఆగమశాస్త్రం ప్రకారం వేదమంత్రోచ్ఛరణల మధ్య ప్రత్యేక పూజ కార్యక్రమాలను నిర్వహించారు.

పెద్దపల్లి రూరల్, మార్చి 29: ఎట్టి పరస్థితిలో తాను తెలుగుదేశం పార్టీని విడిచివెళ్లనని పార్టీ కార్యకర్తలకు ఎల్లవేళలా అండగా ఉంటానని ఆ పార్టీ జిల్లా అధ్యక్షుడు, పెద్దపల్లి మాజీ ఎమ్మెల్యే చింతకుంట విజయరమణారావు స్పష్టం చేశారు. కాంగ్రెస్, టిఆర్‌ఎస్ పార్టీలలో సరైన నాయకుడు లేకనే తాను ఆ పార్టీలో చేరుతున్నట్టు కొంత మంది తనపై దుష్ప్రచారం చేస్తున్నారని ఆరోపించారు.

హైదరాబాద్, మార్చి 29: తెలంగాణలో రూ. 35 వేల కోట్లతో చేపట్టనున్న ప్రతిష్టాకరమైన పాలమూరు - రంగారెడ్డి ఎత్తిపోతల పథకానికి హైకోర్టు లైన్ క్లియర్ చేసింది. టెండర్ల ప్రక్రియను ఖరారు చేసుకోవచ్చంటూ హైకోర్టు ధర్మాసనం మంగళవారం తీర్పు ఇచ్చింది. ఈ ప్రాజెక్టు నిర్మాణానికి టెండర్ల ప్రక్రియ, మార్గదర్శకాల ఖరారును సవాలు చేస్తూ బిజెపి నేత నాగం జనార్దన్ రెడ్డి దాఖలుచేసిన పిల్‌ను హైకోర్టు ధర్మాసనం డిస్మిస్ చేసింది.

హైదరాబాద్, మార్చి 29: తెలంగాణ రాష్ట్రం ఏర్పడిన సందర్భంగా మొక్కు చెల్లించుకోవడానికి తిరుపతికి ప్రత్యేక ట్రైన్‌లో వెళ్లనున్నట్టు ముఖ్యమంత్రి కె చంద్రశేఖర్‌రావు చెప్పారు. శాసనసభలో మంగళవారం ముఖ్యమంత్రి మాట్లాడుతూ, మొక్కులు చెల్లించుకోవడానికి తాను ఒక్కడినే కాకుండా పది జిల్లాల నుంచి ప్రజలను తీసుకెళ్తానని, అందుకోసం ప్రత్యేక ట్రైన్ ఏర్పాటు చేయనున్నట్టు ముఖ్యమంత్రి అన్నారు.