విశాఖపట్టణం : విశాఖ పట్టణం ఉక్కు కర్మాగారం లో ఓ కార్మికుడు ప్రమాద వశాత్తు మృతిచెందాడు. ఉదయం కార్మాగారంలో పనిచేస్తున్న కేఎస్ఆర్ మూర్తి (48) అనే కార్మికుడు క్రేన్ పై నిలబడి పనిచేస్తున్నాడు. ప్రమాద వశాత్తు పైనించి పడిపోడంతో.. తీవ్ర గాయాలై.. అక్కడికక్కడే మృతి చెందాడు. కాగా.. మృతి చెందిన కార్మికుడు.. ఇటీవల జరిగిన బీఎంఎస్ కార్మిక సంఘం ప్రధాన కార్యదర్శిగా ఎన్నికయ్యారు.

న్యూఢిల్లీ : బీజేపీ ప్రభుత్వం సోనియా, రాహుల్ గాంధీపై రాజకీయ కుట్ర చేస్తున్నదని కాంగ్రెస్ సీనియర్ నేత గులాం నబీ ఆజాద్ ధ్వజమెత్తారు. బీజేపీ అధికారంలోకి వచ్చిన నాటి నుంచి విపక్షాలను టార్గెట్ చేస్తుందని మండిపడ్డారు. ఎన్నికలకు మందు కాంగ్రెస్ రహిత భారత్ కోసం బీజేపీ ప్రయత్నించింది. అధికారంలోకి వచ్చాక విపక్ష రహిత భారత్ కోసం ప్రయత్నిస్తుందని ఆగ్రహం వ్యక్తం చేశారు.

న్యూఢిల్లీ : నేషనల్ హెరాల్డ్ కేసును చట్టబద్ధంగానే ఎదుర్కొంటామని కాంగ్రెస్ సీనియర్ నేత మల్లికార్జున్ ఖర్గే పేర్కొన్నారు. ఈ కేసును రాజకీయం చేయదల్చుకోలేదని తెలిపారు. న్యాయవ్యవస్థను తాము గౌరవిస్తామని చెప్పారు. రాజకీయాలు కాంగ్రెస్ చేయట్లేదు.. బీజేపీనే చేస్తుందని మండిపడ్డారు. అసహనంపై పార్లమెంట్‌లో ప్రశ్నించినప్పుడు సమాధానం ఇవ్వలేదు.

ఢిల్లీ: దేశ రాజధాని నగరంలో ఫిక్కీ వార్షిక సర్వసభ్య సమావేశం జరిగింది. సమావేశంలో కేంద్ర ఆర్థిక మంత్రి అరుణ్‌జైట్లీ పాల్గొన్నారు. 2015లో భారత్ ఆర్థికంగా ఎంతో పురోగమించిందని జైట్లీ తెలిపారు. రాష్ర్టాల అభివృద్ధితోనే కేంద్ర అభివృద్ధి సాధ్యమని తెలిపారు. దేశంలో ఆహారధాన్యాల ఉత్పత్తి పుష్కలంగా ఉంది. జీడీపీలో అత్యధిక శాతం వ్యవసాయరంగానిదేనని వెల్లడించారు.