భక్తిశ్రద్ధలతో గురుపౌర్ణమి

కర్నూలు ఓల్డ్‌సిటి, జూలై 19 : ఆషాఢ శుక్లపక్ష పౌర్ణమి రోజున వేద వ్యాసుడు జన్మించిన సందర్భంగా గురుపౌర్ణమి వేడుకలు జరుపుకోవడం జరుగుతుంది. మంగళవారం నగరంలోని పాత బస్టాండ్ వద్ద ఉన్న శ్రీ షిరిడీ సాయిబాబా, కొత్తపేటలోని నాగసాయి, చిత్తారివీధిలోని శ్రీ గురుదత్త, వెంకటరమణ కాలనీలోని సాయిబాబా, బి.క్యాంపులోని సాయి మంది రం, గణేష్ నగర్‌లోని సాయిబాబా, కల్లూరు ఎస్టేట్‌లోని శ్రీ సాయిబాబా దేవాలయాలు, గుత్తిరోడ్డులోని శ్రీ గురుదత్త పాదుకా క్షేత్రంలో గురు పౌర్ణమి వేడుకలను భక్తులు భక్తిశ్రద్ధలతో అత్యంత వైభవంగా నిర్వహించారు. తెల్లవారుజాము నుంచే సాయి మందిరాలు ‘ఓం సాయి శ్రీ సాయి.. జయజయ సాయి’ నామస్మరణతో మారుమోగాయి.