ఏలూరు, మార్చి 12: పశ్చిమ గోదావరి జిల్లాలో పది కోట్ల రూపాయల విలువైన బంగారం పట్టుబడింది. సార్వత్రిక ఎన్నికల సందర్భంగా ఎన్నికల కమిషన్ ఆదేశాల మేరకు పశ్చిమ గోదావరి జిల్లాలో విస్తృతంగా తనిఖీలు నిర్వహించినట్టు జిల్లా ఎస్పీ ఎం.రవిప్రకాష్ తెలిపారు. మంగళవారం విలేఖరుల సమావేశంలో ఆయన మాట్లాడుతూ ఉంగుటూరు మండలం నారాయణపురం టోల్‌ప్లాజా వద్ద ఆడి కారులో 300 బంగారు బిస్కెట్లు స్వాధీనం చేసుకున్నామన్నారు.

న్యూఢిల్లీ, మార్చి 12: పాకిస్తానీ మహిళకు ఢిల్లీ హైకోర్టులో ఉపశమనం లభించింది. ఆమెను భారత్ విడిచివెళ్లిపోవాలన్న ప్రభుత్వం ఇచ్చిన ఆదేశాలపై హైకోర్టు ప్రధాన న్యాయమూర్తి రాజేంద్ర మీనన్, జస్టిస్ ఏజే భాంబనీతో కూడిన ధర్మాసనం స్పందించింది. ఈనెల 25 వరకూ ఆమెపై ఎలాంటి బలవంతపుచర్యలూ తీసుకోవద్దని కోర్టు ఆదేశించింది. భద్రతకు సంబంధించి నివేదిక ఆధారంగా ఆమె దేశం విడిచివెళ్లిపోవాలని కేంద్రం ఆదేశించింది.

సీతానగరం, మార్చి 12: మండలంలోని మరిపివలస గ్రామం వద్ద రైలు ఢీకొని యువకుడు మృతి చెందిన సంఘటన చోటుచేసుకుంది. ఇందుకు సంబంధించి రైల్వే హెచ్‌సి రత్నాకర్ అందించిన వివరాల ప్రకారం మండలంలోని నీలకంఠాపురం గ్రామానికి చెందిన నవీన్ అనే యువకుడు మరిపివలస గ్రామం వద్ద మంగళవారం రైలు ఢీకొంది. ఈ సంఘటనలో యువకుడు అక్కడికక్కడే మృతిచెందాడు. ఈమేరకు రైల్వే పోలీసులు కేసు నమోదుచేసి దర్యాప్తు చేస్తున్నారు.

సుజాతనగర్/లక్ష్మీదేవిపల్లి, మార్చి 12: జిల్లా పరిధిలోని సుజాతనగర్, లక్ష్మీదేవిపల్లి మండలాల్లో జరిగిన రెండు వేర్వేరు రోడ్డు ప్రమాదాల్లో ముగ్గురు మృతి చెందగా మరో ముగ్గురు గాయపడిన సంఘటనలు మంగళవారం జరిగాయ. మండల పరిధిలోని వేపలగడ్డ గ్రామం వద్ద జరిగిన ప్రమాదంలో అతివేగంగా వస్తున్న కారు ఆటోను ఢీకొట్టిన సంఘటనలో ఇరువురు వ్యక్తులు మృతిచెందగా, మరో ఇద్దరికి తీవ్రగాయాలయ్యాయి.