చర్ల, మార్చి 14: చర్ల మండలంలో గురువారం ఉదయం మావోయిస్టు మిలీషియా సభ్యుడిని అదుపులోకి తీసుకున్నట్లు ఎస్సై రాజువర్మ తెలిపారు. ఇందుకు సంబంధించిన వివరాలు ఆయన తెలిపారు. చర్ల ఏఎస్సై, స్పెషల్‌పార్టీ, 141సీఆర్‌పీఎఫ్ బెటాలియన్ సంయుక్తంగా ఆర్.కొత్తగూడెం, కుర్నపల్లి రోడ్డులో వాహన తనిఖీలు నిర్వహిస్తుండగా ఒక వ్యక్తి అనుమానాస్పదంగా కనిపించాడన్నారు.

మల్దకల్, మార్చి 13: ఏసీబీ అధికారులు మల్దకల్ తహశీల్దార్ కార్యాలయంలో సోదాలు నిర్వహించారు. వీఆర్‌ఏ చెన్నయ్య రూ.15వేలు లంచం తీసుకుంటూ ఏసీబీ అధికారులకు రెడ్‌హ్యాండెడ్‌గా పట్టుబడిన సంగతి విదితమే. బుధవారం మండల కేంద్రంలోని తహశీల్దార్ కార్యాలయంలో హైదరాబాద్ ఏసీబీ డిప్యూటీ డైరెక్టర్ ప్రభాకర్, నల్గొండ డిఎస్పీ ఆనంద్‌కుమార్, మహబూబ్‌నగర్ డిఎస్పీ కృష్ణగౌడుల ఆధ్వర్యంలో సోదాలు నిర్వహించారు.

డోన్, మార్చి 13: ఓల్వో బస్సులో తరలిస్తున్న బంగారం, నగదును కర్నూలు జిల్లా పోలీసులు స్వాధీనం చేసుకున్నారు. ఎన్నికల నేపధ్యంలో డోన్ పట్టణ శివారులో బుధవారం తెల్లవారుజామున బెంగళూరు నుంచి హైదరాబాద్ వెళ్తున్న ఓల్వో బస్‌ను పోలీసులు తనిఖీ చేశారు. బస్సులో ఉన్న రెండు బ్యాగుల్లో తనిఖీ చేయగా అందులో రూ.88.20 లక్షల నగదు, 1.210 కిలోల బంగారు నగలు లభించాయి.

న్యూఢిల్లీ, మార్చి 13: కరడుకట్టిన ఉగ్రవాది, హంతకుడు, దోపిడీదారుడిని ఢిల్లీ పోలీసులు పట్టుకున్నారు. నిషేధిత ఖలిస్థాన్ కమాండో ఫోర్సు ఉగ్రవాది, 1984లో జరిగిన ఆపరేషన్ బ్లూస్టార్‌లో భారత్ ఆర్మీ దళాల చేతిలో హతమైన జర్నైల్ సింగ్ బింద్రేవాలే అనుచరుడిని ఢిల్లీ పోలీసులు మంగళవారం అరెస్టు చేశారు.