ఖాట్మాండు, మే 12: రెండు రోజుల నేపాల్ పర్యటన ఫలప్రదమైందని, భారత్ విదేశాంగ విధానంలో ఇది ఒక చారిత్రాత్మక ఘట్టంగా మిగిలి పోతుందని భారత ప్రధాని నరేంద్రమోదీ ఆశాభావం వ్యక్తం చేశారు. ఇరుదేశాల మధ్య ఉన్న సంబంధాలు నూతన శకం వైపు మార్గనిర్దేశనం చేసేందుకు వీలుగా ఈ పర్యటన దోహదపడుతుందని ఆయన ట్వీట్ చేశారు. ‘ ఈ పర్యటనను నేను ఎప్పుడూ మర్చిపోలేను. నేపాల్ ప్రజల ఆదరాభిమానాలు ఆకట్టుకున్నాయి.

కౌలాలంపూర్, మే 12: ఇటీవల జరిగిన ఎన్నికల్లో పరాజయం పాలైన మలేసియా మాజీ నేత నజీబ్ రజాక్‌కు కౌలాలంపూర్ విమానాశ్రయం వద్ద గట్టి ఎదురుదెబ్బ తగిలింది. భార్యతో సహా ఇండోనేసియాకు వెళ్తున్న ఇతడిని కోపోద్రిక్తులై ఎయిర్‌పోర్టును చుట్టుముట్టిన గుంపు అడ్డుకుంది. ప్రభుత్వం కూడా అతని విదేశీ ప్రయాణంపై నిషేధం విధిస్తూ అతను దేశం వదలివెళ్లరాదని ఉత్తర్వులు జారీ చేసింది.

లాహోర్, మే 12: పాకిస్తాన్‌లో ఉగ్రవాదులు చురుగ్గాపనిచేస్తురని మాజీ ప్రధాని నవాజ్ షరీఫ్ వెల్లడించారు. పనామా పేపర్ల కుంభకోణం కేసులో సుప్రీం కోర్టు అనర్హతవేటుకు గురైన నవాజ్ మిలిటెంట్ల కార్యకలాపాలపై బహిరంగ ప్రకటన చేశారు. పాక్‌లో మిలిటెన్సీ చురుగ్గా ఉందన్న ఆయన ‘ముంబయిలో దాడులకు పాల్పడిందీ పాక్ ఉగ్రవాదులే’అని అంగీకరించారు. ముంబయి పేలుళ్లతో ప్రభుత్వానికి ఎలాంటి సంబంధం లేదని స్పష్టం చేశారు.

ఖాట్మాండు, మే 12: నేపాల్ భూభాగాన్ని భారత్ వ్యతిరేక కార్యకలాపాలకు ఉపయోగించేందుకు ఎటువంటి పరిస్థితుల్లో అనుమతించే ప్రసక్తిలేదని నేపాల్ ప్రధానమంత్రి కెపి శర్మ ఓలి స్పష్టం చేశారు. ఇదే విషయం చర్చల్లో ప్రముఖంగా ప్రస్తావనకు వచ్చింతది. నేపాల్‌లో భారత ప్రధాని నరేంద్రమోదీ రెండు రోజుల పర్యటన శనివారం ముగిసింది.