న్యూఢిల్లీ, జూన్ 15: తెలంగాణ ప్రభుత్వం ప్రతిష్ఠాత్మకంగా తలపెట్టిన కాళేశ్వరం ప్రాజెక్టు నిర్మాణానికి ప్రధాన అడ్డంకి తొలగిపోయింది. ప్రాజెక్టుకోసం అవసరమైన అటవీ భూములను వినియోగించుకోవడానికి కేంద్ర అడవులు, పర్యావరణ మంత్రిత్వ శాఖకు సంబంధించిన అటవీ సలహా కమిటీ అనుమతించటానికి సూత్రప్రాయంగా అంగీకరించింది.

న్యూఢిల్లీ, జూన్ 15: పెట్రోలు, డీజిలు ధరలు తగ్గాయి. పెట్రోలు లీటరుకు రూపాయి 12 పైసలు, డీజిలు లీటరుకు రూపాయి 24 పైసలు తగ్గింది. తగ్గిన ధరలు శుక్రవారం ఉదయంనుంచి అమలులోకి వచ్చాయి. కాగా, శుక్రవారంనుంచి ప్రతి రోజూ పెట్రోలు, డీజిలు ధరలను సవరించనున్న దృష్ట్యా ప్రతి 15 రోజులకోసారి జరిపే ధరల సమీక్షలో ఇదే చివరిదవుతుంది.

ముంబయి, జూన్ 15: రాష్టప్రతి ఎన్నికల్లో ఎన్‌డిఏ నిలబెట్టిన అభ్యర్థికి 54 శాతం ఓట్లు వస్తాయని మహారాష్ట్ర ముఖ్యమంత్రి దేవేందర్ ఫడ్నవీస్ ధీమా వ్యక్తం చేశారు. జూలై 17న రాష్టప్రతి ఎన్నిక జరగనున్న సంగతి తెలిసిందే. రాష్టప్రతి ఎన్నికల్లో అధికార పార్టీని ఎవరూ బ్లాక్‌మెయిల్ చేయలేరని ఆయన అన్నారు. ఎన్‌డిఏ అభ్యర్థికే మెజారిటీ ఓట్లు పడతాయని అన్నారు.

న్యూఢిల్లీ, జూన్ 15: రెండు తెలుగు రాష్ట్రాల్లోని ఉపాధ్యాయ ఏకీకృత సర్వీసు రూల్స్ ఫైల్ ప్రధాన మంత్రి కార్యాలయానికి పంపించినట్టు కేంద్ర హోంశాఖ మంత్రి రాజ్‌నాథ్ పిఆర్‌టియు నేతలకు తెలిపారు. ఢిల్లీలో కేంద్రం హోంశాఖ మంత్రి రాజ్‌నాథ్ సింగ్‌తో తెలంగాణలోని ఉపాధ్యాయ సంఘం పిఆర్‌టియు నేతలు జనార్దన్ రెడ్డి, పూల రవీందర్, వి.మోహన్‌రెడ్డి, సరోత్తంరెడ్డి, చెన్నకేశవరెడ్డి సమావేశమయ్యారు.