ముంబాయి, ఫిబ్రవరి 5: నేషనల్ స్పోర్ట్స్ క్లబ్ ఆఫ్ ఇండియా (ఎన్‌ఎస్‌సీఐ)లో మంగళవారం నుండి వేదాంత ఇండియన్ స్క్వాష్ ఓపెన్-2018 టోర్నమెంట్ నిర్వహిస్తారు. ఆరు రోజుల పాటు జరుగనున్న ఈ టోర్నీలో పది దేశాలకు చెందిన 30 మంది మేటి క్రీడాకారులు పాల్గొంటున్న కారణంగా, ఇది ఒక ప్రత్యేకతను సంతరించుకుంది. అంతేగాక, ఏడు దేశాలకు చెందిన ఆర్హత పొందిన 16 మంది ఆటగాళ్లు ఈనెల 8 నుంచి జరుగనున్న మెయిన్ డ్రాలో పోటీపడతారు.

న్యూఢిల్లీ, ఫిబ్రవరి 5: భారత క్రికెట్ నియంత్రణ బోర్డు (బీసీసీఐ) కేంద్ర కార్యాలయం ముంబయి నుంచి బెంగళూరుకు మారే అవకాశాలున్నాయి. ప్రస్తుతం ముంబయిలోని వాంఖడే స్టేడియంలో బీసీసీఐ కార్యాలయం ఉంది. అయితే, బెంగళూరులో సుమారు 40 ఎకరాల సువిశాల విస్తీర్ణంలో ఉన్న జాతీయ క్రికెట్ అకాడెమీ (ఎన్‌సీఏ)కు దీనిని తరలించారన్న డిమాండ్ చాలాకాలంగా వినిపిస్తున్నది.

సెంచూరియన్, ఫిబ్రవరి 5: భారత్‌తో ఇటీవల జరిగిన టెస్టుమ్యాచ్‌తోపాటు రెండు వనే్డలలో ఓటమిపాలైన ఆతిధ్య జట్టు దక్షిణాఫ్రికా పిచ్‌లను ఎంతో బాగా తీర్చిదిద్దినప్పటికీ ఆశించిన ఫలితం రాలేదని మాజీ కోచ్ రే జెన్నింగ్స్ వ్యాఖ్యానించాడు. పిచ్‌లు తమకు ఎంతో అనుకూలంగా ఉంటాయని విర్రవీగిన టీమ్ మేనేజిమెంట్ దాదాపు సిరీస్‌ను కోల్పోయే దశకు చేరుకుందని వ్యాఖ్యానించాడు.

కేప్ టౌన్, ఫిబ్రవరి 5: దక్షిణాఫ్రికా క్రికెట్ జట్టును గాయాల సమస్య వేధిస్తోంది. ఇప్పటికే కెప్టెన్ ఫఫ్ డుప్లెసిస్, డివిలియర్స్ చేతి వేలి గాయాల కారణంగా జట్టుకు దూరంగా ఉండడంతో మిగిలినవారితోనే రెండు వనే్డలలో తలపడింది. ఈ ఇద్దరు ప్రధాన ఆటగాళ్లకు తోడుగా వికెట్ కీపర్-బ్యాట్స్‌మన్ క్వింటాన్ డి కాక్ కూడా ఎడమచేతి గాయం వల్ల మిగిలిన నాలుగు వనే్డలలో ఆడడం సాధ్యంకాదు.