హైదరాబాద్, ఆగస్టు 26: రాష్ట్ర ప్రభుత్వం ప్రతిష్టాత్మకంగా చేపట్టిన హరితహారం కార్యక్రమంలో భాగంగా వివిధ శాఖలకు కేటాయించిన లక్ష్యాలకు అనుగుణంగా మొక్కలు నాటి కార్యక్రమాన్ని వేగవంతం చేయాలని రాష్ట్ర ప్రభుత్వ ప్రధాన కార్యదర్శి ఎస్‌పి సింగ్ అన్నారు. తెలంగాణకు హరితహారం కార్యక్రమంపై శనివారం సచివాలయంలో ప్రభుత్వ ప్రధాన కార్యదర్శి అధ్యక్షతన రాష్ట్ర స్థాయి సమావేశం జరిగింది.

గద్వాల, ఆగస్టు 24: గద్వాల సంస్థానం ద్వారా గత 350 సంవత్సరాల నుండి ఏరువాడ జోడు పంచెలు తయారు చేసి తిరుపతి శ్రీ వెంకటేశ్వర స్వామి బ్రహ్మోత్సవాలకు సమర్పించే ఆనవాయితీని ఈ సంవత్సరం కూడా కొనసాగిస్తుండటం చాలా సంతోషకరమైన విషయమని జిల్లా కలెక్టర్ రజత్‌కుమార్‌సైనీ అన్నారు. గురువారం జిల్లా కేంద్రంలోని మహంకాలి కరుణాకర్ ఇంటిలో తయారు చేస్తున్న ఏరువాడ జోడు పంచెలు తయారీని కలెక్టర్ పరిశీలించారు.

పెద్దపల్లి రూరల్, ఆగస్టు 24: మండలంలోని రాఘవాపూ ర్ గ్రామ సమీపంలో గల రెడ్డి ఫంక్షన్ హాల్‌లో బుధవారం కాళేశ్వరం ప్రాజెక్టుల నిర్మాణంపై జరిగిన ప్రజాభిప్రాయ సేకరణ సభలో గొడవకు సంబంధించి మాజీ మంత్రి దుద్దిళ్ల శ్రీ్ధర్ బాబు సహా 300 మంది కాంగ్రెస్ నాయకులు, రైతులపై బసంత్‌నగర్ పోలీసు స్టేషన్‌లో కేసు నమోదైంది.

హైదరాబాద్, ఆగస్టు 24: దేశ వ్యాప్తంగా ఒబిసి రిజర్వేషన్లను గ్రూప్‌లుగా వర్గీకరించాలని కేంద్ర మంత్రివర్గంలో నిర్ణయించడం పట్ల జాతీయ బిసి సంక్షేమ సంఘం అధ్యక్షుడు ఆర్.కృష్ణ య్య ప్రధాని నరేంద్రమోదీకి కృతజ్ఞతలు తెలిపారు. ఇది చారిత్రాత్మకమని, బిసిల రెండవ విజయంగా ఆయన అభివర్ణించారు.