వరంగల్, సెప్టెంబర్ 26: జిల్లాలో ఇటీవల కురిసిన భారీ వర్షాలకు ఏర్పడిన నష్టంపై సమగ్ర నివేదికను రూపొందించి పునరావాస కమీషనర్‌కు పంపించాలని జిల్లా ప్రత్యేకాధికారి అరవింద్‌కుమార్ ఆయా శాఖల అధికారులను ఆదేశించారు. భారీ వర్షాల కారణంగా ప్రజలకు ఇబ్బందులు కలగకుండా తాత్కాలిక, ప్రత్యామ్నయ ఏర్పాట్లు సత్వరం చేపట్టాలని సూచించారు.

సంగెం, సెప్టెంబర్ 26: భూనిర్వాసితుల పక్షాన తెలంగాణ రాష్ట్ర కిసాన్ సెల్ రాష్ట్ర అధ్యక్షుడు కోదండరాంరెడ్డి ఆధ్వర్యంలో రాష్ట్ర ముఖ్య కార్యదర్శి ఓఎస్‌డి భవానీ శంకర్‌ను కలిసినట్లు పరకాల కాంగ్రెస్ పార్టీ నియోజకవర్గ ఇన్‌చార్జి ఇనగాల వెంకట్రాంరెడ్డి తెలిపారు.

మంగపేట, సెప్టెంబర్ 26: ఎగువ ప్రాంతాల నుండి వస్తున్న వరద నీటితో క్రమంగా గోదావరి నీటిమట్టం పెరుగుతోంది. సోమవారం గోదావరి ఉద్ధృతి మరింత పెరిగింది. మండలంలోని పొద్మూరు కాలనీ, బోరు నర్సాపురం, అకినేపల్లి మల్లారం, కత్తిగూడెం, అకినేపల్లి మల్లారం ఎస్టీ కాలనీలోని పలు ప్రాంతాలతో పాటు మండలంలో పలు లోతట్టు ప్రాంతాలు జలమయమయ్యే అవకాశం ఉండడంతో రెవెన్యూ యంత్రాంగం అప్రమత్తమయింది.

ఏటూరునాగారం, సెప్టెంబర్ 26: విస్తారంగా కురుస్తున్న వర్షాలతో ఏజెన్సీ ప్రజలు అనారోగ్యాల బారిన పడకుండా వైద్య అధికారులు అప్రమత్తంగా ఉండి వైద్య సేవలందించాలని రాష్ట్ర ఉప ముఖ్యమంత్రి కడియం శ్రీహరి వైద్య అధికారులను ఆదేశించారు. సోమవారం ఎగువున కురిసిన వర్షాలకు ఆయా ప్రాజెక్టులనుండి నీటిని విడుదల చేయడంతో గోదావరి ముంపునకు గురయ్యే లోతట్టు ప్రాంతాల ప్రజలను అప్రమత్తం చేసేందుకు అధికారులను అప్రమత్తం చేశారు.