కీసర, నవంబర్ 21: రైతులు ప్రత్యామ్నాయ పంటలపై దృష్టి సారించేలా అధికారులు చర్యలు చేపట్టాలని వ్యవసాయాధికారులను కలెక్టర్ ఎంవి రెడ్డి ఆదేశించారు. కార్యాలయంలో అధికారులతో చర్చించారు. రబీకి సంబంధించి రైతులకు ట్యాంకుల్లో నీళ్లు అందేలా చూడాలని అన్నారు. పట్టుపరిశ్రమ, వ్యవసాయశాఖ, పశుసంవర్ధక శాఖ, ఉద్యానవన శాఖ, ఇవే కాకుండా లాభదాయకమైన డైరీ, పట్టుపరిశ్రమ, కూరగాయల పంటలపై రైతుల దృష్టి సారించేలా చూడాలన్నారు.

హైదరాబాద్, నవంబర్ 21: తెలంగాణలో ఏ వర్గం ప్రజలూ సంతోషంగా లేరని, అంతా తీవ్ర ఆందోళనకు, ఇబ్బందులకు గురవుతున్నారని బిజెపి రాష్ట్ర అధ్యక్షుడు డాక్టర్ కె లక్ష్మణ్ వ్యాఖ్యానించారు. ఇదే సరైన తరుణంగా తీసుకుని బిజెపి కార్యకర్తలు ప్రజలు ఎదుర్కోంటున్న సమస్యలపై ఉద్యమాలు, పోరాటాలు చేసి బిజెపిని బలీయమైన శక్తిగా తయారుచేయాలని సూచించారు.

హైదరాబాద్, నవంబర్ 21: రాష్ట్ర ప్రభుత్వానికి తలభాగంగా చెప్పుకోదగ్గ భూపరిపాలన ప్రధాన కమిషనర్ (సిసిఎల్‌ఎ) పోస్టు ఖాళీగా ఉండటంతో ఈ కార్యాలయం వెలవెల పోతోంది. తెలంగాణ రాష్ట్రం ఏర్పడి రెండున్నర ఏళ్లు గడిచినప్పటికీ ఈ పోస్టులో రెగ్యులర్ అధికారిగా నియామకం అయినవారు కేవలం 10 నెలలపాటే ఉన్నారు. మూడు నెలల కింద రేమాండ్‌పీటర్ సిసిఎల్‌ఎ పదవిలో ఉంటూ పదవీవిరమణ చేశారు. ఆ తర్వాత ఈ పోస్టు ఖాళీగానే ఉంది.

హైదరాబాద్, నవంబర్ 21: తెలంగాణలో ఆస్తుల మార్కెట్ విలువ ఎందుకు పెంచలేదో చెప్పాలని హైకోర్టు ప్రభుత్వాన్ని ఆదేశించింది. ఇందుకు వారం రోజుల గడువు విధించింది. కాంగ్రెస్ మాజీ ఎమ్మెల్యే ఎం కోదండరెడ్డి దాఖలు చేసిన ప్రజావాజ్య పిటిషన్(పిల్)ను విచారించిన తాత్కాలిక ప్రధాన న్యాయమూర్తి జస్టిస్ రమేష్ రంగనాథన్ , జస్టిస్ ఎ శంకర్ నారాయణలతో కూడిన డివిజన్ బెంచ్ ఈ మేరకు ఆదేశాలు ఇచ్చింది.