అమరావతి, అక్టోబర్ 9: పెట్టుబడుల సాధన కోసం ముఖ్యమంత్రి చంద్రబాబునాయుడు ఈనెల 18 నుంచి 26వ తేదీ వరకు మూడు దేశాల్లో పర్యటించనున్నారు. అమెరికా, యునైటెడ్ అరబ్ ఎమిరేట్స్, ఇంగ్లండ్‌లలో పర్యటించనున్నట్లు ప్రభుత్వ మీడియా సలహాదారు పరకాల ప్రభాకర్ వెల్లడించారు.

విజయవాడ, అక్టోబర్ 9: ఆంధ్రప్రదేశ్ టూరిజం అథారిటీ గైడ్‌ల శిక్షణకు క్యాలెండర్ విడుదల చేసింది. ఆంధ్రప్రదేశ్ టూరిజం అథారిటీ సోమవారం విశాఖపట్నం వేదికగా స్టేట్ టూరిస్ట్ గైడ్ శిక్షణను ప్రారంభించింది. ఇందులో ఇరవై మందికి అవకాశం ఉండగా, వీరికి 75 రోజుల పాటు శిక్షణ అందించనున్నామని అథారిటీ సిఇఓ హిమాన్షు శుక్లా తెలిపారు. శిక్షణా కాలంలో వీరికి ఉచిత వసతి, భోజనంతోపాటు ప్రతినెల వేతనం కూడా అందిస్తామన్నారు.

విజయవాడ, అక్టోబర్ 8: గత మూడేళ్లలో రాష్ట్రంలో రైతుల ఆత్మహత్యలు గణనీయంగా తగ్గాయని, మూడో విడత రుణమాఫీకి నిధులు విడుదల చేసిన ముఖ్యమంత్రి చంద్రబాబు నాయుడు రైతుమిత్రగా చరిత్రలో నిలిచిపోతారని టిడిపి ఎమ్మెల్యేలు అనగాని సత్యప్రసాద్, హన్మంతరాయ చౌదరి ఆదివారం ఒక ప్రకటనలో పేర్కొన్నారు. దేశంలో ఏ రాష్ట్ర ప్రభుత్వం చేయనివిధంగా రైతుల కోసం రుణమాఫీ చేశారన్నారు.

విజయవాడ, అక్టోబర్ 8: మంటలు చెలరేగి సర్వం బూడిదపాలు కావటం, ఆపై ఫైరింజన్‌లు రావటమనేది పూర్వపు మాట! ప్రస్తుతం దేశంలోనే తొలిసారిగా రాష్ట్ర అగ్నిమాపక శాఖ మంటలు చెలరేగిన తర్వాత రావటమే కాకుండా, ఆదిలోనే మంటలను ఎలా ఆర్పాలో అతి సామాన్యులకు సైతం తెలియచెప్పే కొత్త వ్యవస్థకు శ్రీకారం చుట్టింది. ప్రభుత్వ విధానాల వల్ల సానుకూల ఫలితాలు రావడంతో గతంలో కంటే అగ్నిప్రమాదాల సంఖ్య గణనీయంగా తగ్గుతున్నాయి.