విజయవాడ, ఫిబ్రవరి 8: రాజధాని ప్రాంత అభివృద్ధికి ఇతర మార్గాల్లో ఆదాయం సమకూర్చుకోవాలన్న నిర్ణయంలో భాగంగా తొలి విడతగా రూ.1000 కోట్ల మేర బాండ్లను జారీ చేయడానికి ముఖ్యమంత్రి చంద్రబాబు నాయుడు పచ్చజెండా ఊపారు.

శ్రీకాళహస్తి: భక్తజనం ఎప్పుడెప్పుడా అని ఎదురుచూసిన మహాకుంభాభిషేకం శ్రీకాళహస్తిలో బుధవారం వైభవోపేతంగా జరిగింది. ఉత్సవాల్లో భాగంగా బుధవారం ఉదయం 4 గంటలకు యాగపూజ ప్రారంభమైంది. అగ్నికార్యం, పూర్ణాహుతి, నైవేద్యం, దీపారాధన కార్యక్రమాలు జరిగాయి. ఆ తరువాత యాత్రాదానం, కుంభోద్వాసన జరిగాయి. వేదపండితులు, పూజారులు యాగశాలలోని కలశాలతో ఊరేగింపుగా బయలుదేరి స్వామి, అమ్మవార్ల సన్నిధికి చేరుకున్నారు.

అమరావతి, ఫిబ్రవరి 8: ప్రతిష్టాత్మక జాతీయ మహిళా పార్లమెంటేరియన్‌ల సదస్సుకు విజయవాడ సమీపాన పవిత్ర సంగమం వేదిక కానుంది. దేశంలోనే తొలిసారిగా నవ్యాంధ్రలో నిర్వహించనున్న ఈ సదస్సుకు దేశ విదేశాల నుంచి ప్రముఖ మహిళా పార్లమెంటేరియన్‌లు, వివిధ రంగాల్లో లబ్ద ప్రతిష్టులైన నారీమణులు, కళాశాల విద్యార్థినులు హాజరవుతున్నారు.

విజయవాడ, ఫిబ్రవరి 8: నదులే కాదు.. జాతీయ, అంతర్జాతీయ సంగీతాలూ అనుసంధానం కానున్నాయి.. అనేక నాట్యాలు ఒకే వేదిక మీద సవ్వడి చేయనున్నాయి. కృష్ణా జిల్లా కొండపల్లి సమీపాన ఈ నెల 10 నుంచి 13వ తేదీ వరకు అమరావతి విశ్వసంగీత, నృత్య వేడుక జరగనుంది.