న్యూఢిల్లీ, జనవరి 7: పది జాతీయ కార్మిక సంఘాలు సంయుక్తంగా బుధవారం ప్రభుత్వ రంగ బ్యాంకుల సమ్మెకు పిలుపునిచ్చాయి. ఈక్రమంలో దేశ వ్యాప్తంగా బ్యాంకుల్లో లావాదేవీలకు ఆటంకం కలుగనుంది. ఇప్పటికే మెజారిటీ శాతం బ్యాంకులు ఈ సమ్మె విషయాన్ని స్టాక్ ఎక్చేంజీలకు తెలియజేయడం జరిగింది.

న్యూఢిల్లీ, జనవరి 6: ఇరాన్-అమెరికా ఉద్రిక్తతల ఫలితంగా చమరు రేట్లు ఒక్కసారిగా భగ్గుమన్నాయి. భారత్‌లో సోమవారం నుంచి పెట్రోలు రేటును లీటరుకు 15 పైసలు చొప్పున, డీజిల్ లీటరు 17 పైసలు చొప్పున కంపెనీలు పెంచాయి. అంతర్జాతీయ మార్కెట్‌లో ముడిచమురు ధర బ్యారల్‌కు 70 డాలర్లు చేరుకోవడంతో దేశీయంగా పెట్రోలు, డీజిల్ ధరల పెంపు అనివార్యమైంది. ఢిల్లీలో పెట్రోలు లీటరు తాజా రేటు ప్రకారం 75.69 పైసలు.

న్యూఢిల్లీ, జనవరి 6: మధ్య ప్రాచ్య ఉద్రిక్తతల కారణంగా వరుసగా రెండు సెషన్లలో భారతీయ మార్కెట్లు భారీగా నష్టపోవడం వల్ల దాదాపు 3.36 లక్షల కోట్ల రూపాయల మేర ఇనె్వస్టర్ల సంపద హరించుకుపోయింది. వరుసగా రెండో సెషన్‌లో కూడా ఈక్విటీ మార్కెట్లు ఘోరంగా దెబ్బతిన్నాయి. బీఎస్‌ఈ దాదాపు 800 పాయింట్లు నష్టపోవడం వల్ల ఇక్కడ లిస్టయిన కంపెనీల ఉమ్మడి సంపద 3 లక్షల 36 వేల కోట్ల రూపాయల మేర ఆవిరైపోయింది.

విజయవాడ పశ్చిమ, జనవరి 5: బహిరంగ మార్కెట్‌లో ఉల్లిపాయల ధరల ఘాటు రానురానూ తగ్గుతోంది. గత నెలారంభంలో కిలో రూ.180 దాకా అమ్మిన ఉల్లిపాయలు క్రమేణా ధర తగ్గుతూ నేటికి కిలో రూ.60కి చేరింది. ఉల్లిపాయల ధరలను నియంత్రించలేని ప్రభుత్వం వినియోగదారులకు సబ్సిడీ ధరకు రైతుబజారుల ద్వారా కిలో రూ.25లకు అందించడంతో పేద, బడుగు వర్గాల ప్రజలే కాదు ధనికులు సైతం రైతుబజార్ల వద్ద క్యూలైన్‌లో బారులుతీరిన విషయం విదితమే.