న్యూఢిల్లీ, మార్చి 31: వౌలిక రంగంలో పెట్టుబడులను ఆకర్షించడానికి, దేశ జిడిపి వృద్ధిరేటును పరుగులు పెట్టించడానికి మున్ముందు మరిన్ని ఆర్థిక సంస్కరణలు ఉంటాయని కేంద్ర ఆర్థిక శాఖ మంత్రి అరుణ్ జైట్లీ స్పష్టం చేశారు. ‘్భరత్‌లో మా సంస్కరణల ప్రక్రియ కొనసాగుతోంది. గడచిన రెండేళ్ల కాలం నుంచి వేగంగా సంస్కరణల అమలును చేపడుతున్నాం.

హైదరాబాద్, మార్చి 30: సత్యం కంప్యూటర్ స్కాంలో టెక్ మహీంద్రా సంస్ధను మొదటి నిందితుడిగా చేర్చాలంటూ ఎన్‌ఫోర్స్‌మెంట్ డైరెక్టరేట్ దాఖలు చేసిన పిటిషన్‌ను హైకోర్టు కొట్టివేసింది. దీంతో టెక్ మహీంద్రా సంస్ధకు ఉపశమనం లభించినట్లయింది. టెక్ మహీంద్రాపై కేసు నమోదుకు అంతకు ముందు సింగిల్ కోర్టు జడ్జి అనుమతించలేదు. దీంతో ఎన్‌ఫోర్స్‌మెంట్ డైరెక్టరేట్ హైకోర్టు ధర్మాసనాన్ని ఆశ్రయించింది.

న్యూఢిల్లీ, మార్చి 30: వచ్చే నెల 6న జరిగే తన ద్రవ్య పరపతి విధానం ద్వైమాసిక సమీక్షలో రిజర్వ్ బ్యాంక్ వడ్డీ రేట్లను యథాతథంగా కొనసాగించవచ్చని, అయితే వృద్ధి రేటు మందగించడం, ద్రవ్యోల్బణం తగ్గుదల కారణంగా వచ్చే ఆగస్టులో జరిగే సమావేశంలో వడ్డీరేట్లను తగ్గించే అవకాశం ఉందని ఓ నివేదిక పేర్కొంది.

బెంగళూరు, మార్చి 30: అంతర్జాతీయ ఐటి దిగ్గజ సంస్థ ఆపిల్ శరవేగంగా వృద్ధి చెందుతున్న భారత మార్కెట్‌లో తన ఉనికిని బలోపేతం చేసుకునేందుకు అవకాశాలను మెరుగుపర్చుకుంటోంది. ఇందులో భాగంగా ఈ సంస్థ నెల రోజుల్లోపే బెంగళూరులో తమ హై-ఎండ్ ఐఫోన్ల తయారీని మొదలు పెట్టేందుకు సిద్ధమవుతోంది. ఈ విషయాన్ని కర్నాటక ఐటి శాఖ మంత్రి ప్రియాంక్ ఖర్గే గురువారం వెల్లడించారు.