హైదరాబాద్, మార్చి 29: సింగరేణి తన గత రికార్డులను అధిగమిస్తూ బొగ్గు ఉత్పత్తి, రవాణాలో సరికొత్త రికార్డును నెలకొల్పింది. ఒకేరోజు 2.45 లక్షల టన్నుల బొగ్గు ఉత్పత్తి సాధించి, 43 రేక్‌లలో రవాణా చేసినట్లు ఆ సంస్థ సిఎండి ఎన్ శ్రీధర్ తెలిపారు. ఈ సందర్భంగా కార్మికులు, అధికారులను ఆయన అభినందించారు.

న్యూఢిల్లీ, మార్చి 28: నిర్మాణరంగ సంస్థ పురవంకర.. హైదరాబాద్‌లోని 19 ఎకరాల భూమిని అమ్మేసింది. 475 కోట్ల రూపాయలకు ఔషధరంగ సంస్థ అయిన హెటిరో గ్రూప్‌నకు విక్రయించింది. రుణ భారం తగ్గించుకోవడానికి, స్థిరాస్తుల నగదీకరణ వ్యూహంలో భాగంగానే బెంగళూరుకు చెందిన పురవంకర ఈ అమ్మకానికి దిగింది. ఈ మేరకు పురవంకర లిమిటెడ్ మేనేజింగ్ డైరెక్టర్ ఆశిష్ పురవంకర పిటిఐకి తెలిపారు.

ముంబయి, మార్చి 28: దేశీయ స్టాక్ మార్కెట్లు మంగళవారం లాభాల్లో ముగిశాయి. బాంబే స్టాక్ ఎక్స్‌చేంజ్ సూచీ సెనె్సక్స్ 172.37 పాయింట్లు పెరిగి 29,409.52 వద్ద స్థిరపడగా, నేషనల్ స్టాక్ ఎక్స్‌చేంజ్ సూచీ నిఫ్టీ 55.60 పాయింట్లు పుంజుకుని 9,100.80 వద్ద నిలిచింది. బ్యాంకింగ్, ఆటో రంగాల షేర్లకు కొనుగోళ్ల మద్దతు లభించింది. అంతర్జాతీయ స్టాక్ మార్కెట్ల నష్టాలతో సోమవారం దేశీయ సూచీలు నష్టపోయినది తెలిసిందే.

కాకినాడ, మార్చి 28: నవ్యాంధ్రప్రదేశ్ అభివృద్ధికి మానవ వనరుల అవసరం చాలా ఉందని ఆంధ్రప్రదేశ్ స్కిల్ డెవలప్‌మెంట్ కార్పొరేషన్ (ఎపిఎస్‌డిసి) డైరెక్టర్ డాక్టర్ గంటా సుబ్బారావు స్పష్టం చేశారు. రాష్ట్భ్రావృద్ధిలో భాగంగా ఎక్కువగా పెట్రో కెమికల్, పెట్రో కారిడార్, షిప్ బిల్డింగ్, స్మార్ట్‌సిటీలు, ఐటి రంగం, ఆధునిక రహదారుల నిర్మాణంపై ప్రభుత్వం దృష్టి సారించిందన్నారు.