న్యూఢిల్లీ, ఏప్రిల్ 2: దేశంలో సబ్సిడీపై లభించే వంట గ్యాస్ (ఎల్‌పిజి) ధర తాజాగా మరోసారి పెరిగింది. ఇటీవల ఐదు రాష్ట్రాల శాసనసభలకు జరిగిన ఎన్నికలకు ముందు నామమాత్రంగా 2 రూపాయలు పెంచిన సబ్సిడీ ఎల్‌పిజి సిలిండర్ ధరను ఈసారి అంతర్జాతీయ మార్కెట్ల ధోరణులకు అనుగుణంగా 5 రూపాయల 57 పైసల చొప్పున పెంచారు.

అమరావతి, ఏప్రిల్ 2: ఆంధ్రప్రదేశ్‌కు ప్రత్యేక హోదా రాకపోయినా పారిశ్రామిక పెట్టుబడుల ప్రవాహం కొనసాగుతునే ఉంది. ప్రత్యేక హోదా వస్తే పారిశ్రామిక రంగానికి కొన్ని రాయితీలు వచ్చే మాట వాస్తవమే అయినప్పటికీ అంతకు మించిన అంశాలు కూడా ఉంటాయని దీనితో రుజువైంది.

విశాఖపట్నం, ఏప్రిల్ 1: సరకు రవాణాలో విశాఖపట్నం పోర్టు ట్రస్టు రికార్డు సృష్టించింది. పాత పెద్ద నోట్ల రద్దు వంటి ప్రతికూల పరిస్థితుల నేపథ్యంలో కూడా గత ఆర్థిక సంవత్సరం 2016-17లో 61.02 మిలియన్ టన్నుల సరకు రవాణా చేయగలిగింది. అంతకుముందు 2015-16 ఆర్థిక సంవత్సరంతో పోల్చితే సరకు రవాణాలో 7 శాతం వృద్ధి సాధించిందని పోర్టు చైర్మన్ ఎంటి కృష్ణబాబు శనివారం విలేఖరుల సమావేశంలో వెల్లడించారు.

గన్నవరం, ఏప్రిల్ 1: గన్నవరం-తిరుపతి మధ్య ప్రభుత్వరంగ విమానయాన సంస్థ ఎయిరిండియా నూతన సర్వీసును శనివారం ప్రారంభించింది. వారంలో ఆరు రోజులు ఉదయం 7.55 గంటలకు గన్నవరం ఎయిర్‌పోర్టు నుండి బయలుదేరి తిరుపతికి వెళుతుందని ఎయిరిండియా స్టేషన్ మేనేజర్ రాజశేఖర్ తెలిపారు. తొలి బోర్డింగ్ పాస్‌ను ఆయన అందజేయగా, విమానానికి ఎయిర్‌పోర్టు డైరెక్టర్ జి మధుసూధనరావు జెండా ఊపి ప్రారంభించారు.