కంటికి వచ్చే ఇబ్బందుల్లో నీటి కాసులు (గ్లకోమా) ఒకటి. దీనివల్ల కంటిచూపు మందగిస్తుంది. ఆ ఇబ్బంది నుండి బయటపడేందుకు వేడి టీ తాగే అలవాటు సహకరిస్తుందంటున్నారు ఆరోగ్య నిపుణులు. ప్రతిరోజూ ఒక కప్పు వేడివేడి టీ తాగేవారికి గ్లకోమా వచ్చే ప్రమాదం 74 శాతం తగ్గుతుందని చెబుతున్నారు వీరు. కానీ టీకి, కంటి ఆరోగ్యానికి ఉన్న సంబంధం ఏమిటో మాత్రం వీరు వివరించడం లేదు.

బరువు తగ్గడం కోసం డైటింగ్ చేస్తున్నామంటుంటారు చాలామంది. డైటింగ్ చేసినా బరువు తగ్గడం లేదంటారు మరికొందరు. ఇప్పుడు డైటింగ్‌తో బరువు తగ్గరు అంటున్నది పరిశోధన. కేవలం ఆహారం తీసుకోవడం మానేస్తే బరువు తగ్గుతారన్నది భ్రమ మాత్రమే.. వ్యాయామం, క్రమం తప్పని ఆహారపు అలవాటు వలనే బరువు తగ్గుతారు కానీ పూర్తిగా ఆహారం మానేసినంత మాత్రాన ఏం లాభం ఉండదు. డైటింగ్‌తో సన్నబడినట్లు కనిపించవచ్చు.

* యుక్తవయసులో ముఖంపై మొటిమలు రాకుండా ఉండాలంటే నూనెలతో చేసే వంటకాలకు దూరంగా ఉండాలి. ఆయిల్‌ఫుడ్‌తో పాటు జంక్‌ఫుడ్‌కు అలవాటుపడేవారు మొటిమల సమస్యను ఎదుర్కొంటున్నారని వైద్య నిపుణులు తేల్చిచెబుతున్నారు.
* రక్తంలో మలినాలు చేరడం వల్లే మొటిమలు వస్తుంటాయి. గనుక రక్తప్రసరణ బాగా జరిగేలా శారీరక వ్యాయామం చేస్తుండాలి. నడక, ఎక్సర్‌సైజులు, పలురకాల ఆటల వల్ల రక్తప్రసరణ సవ్యంగా ఉంటుంది.

ఇంట్లో ఏదైనా వేడుక ఉంటేనో, ఏదైనా పెళ్లికి వెళ్లాల్సి వస్తేనో మనకు అందంపై, సింగారంపై మోజు కలుగుతుంది. మనకు కావాల్సినప్పుడు అందం కావాలి అనుకుంటే వెంటనే వచ్చేయదు. అందంపై అప్పుడప్పుడూ శ్రద్ధ తీసుకోవడం కాకుండా నిత్యం అందంపై శ్రద్ధ తీసుకుంటేనే నిత్యం యవ్వనంగా కనిపించడానికి సాధ్యం అవుతుంది. అంత సమయం ఎక్కడుందండీ.. అంటారా.. ప్రతిరోజూ దినచర్యలో భాగంగా కొన్ని జాగ్రత్తలు తీసుకుంటే చాలు అందంగా ఉండచ్చు..