హిందూపురం, ఆగస్టు 29:సర్వశక్తులు ఒడ్డి అనంతపురం జిల్లాలో నెలకొన్న కరవును అధిగమించేందుకు తెలుగుదేశం ప్రభుత్వం చిత్తశుద్దితో పనిచేస్తుందని రాష్ట్ర సాంఘిక సంక్షేమ శాఖ మంత్రి రావెల కిషోర్‌బాబు పేర్కొన్నారు. సోమవారం స్థానిక ఆర్‌అండ్‌బి అతిథి గృహంలో వ్యవసాయ శాఖ ఆధ్వర్యం ఆయా శాఖల అధికారులతో పంటల పరిస్థితిపై సమీక్ష నిర్వహించారు.

రామగిరి : ఎండుతున్న వేరుశనగ పంటను కాపాడేందుకు అన్ని చర్యలు తీసుకుంటున్నామని మంత్రులు పరిటాల సునీత, పత్తిపాటి పుల్లారావు, ఉమామహేశ్వరరావులు అన్నారు. సోమవారం మండలంలోని చెర్లోపల్లి వద్ద గల హంద్రీనీవా కాలువ ద్వారా వారు పర్యటించారు. కాలువ పక్కన ఎండుతున్న వేరుశనగ పంటకు కాలువలో వున్న నీటి నుంచి వేరుశనగ పంటకు గన్‌ల ద్వారా నీరు అందిస్తున్నారు.

పెనుకొండ, ఆగస్టు 29:పెనుకొండ నియోజకవర్గ పరిధిలోని రొద్దం మండలం పెద్దమంతూరు పంచాయతీలో ముఖ్యమంత్రి చంద్రబాబునాయుడు పర్యటించనున్నట్లు ఎమ్మెల్యే బికె పార్థసారథి తెలిపారు. పంచాయతీ పరిధిలోని పలు గ్రామాల్లో ఎండిపోయిన వేరుశెనగ పంటను సిఎం పరిశీలించి రైతులతో ముఖాముఖి చర్చించనున్నట్లు తెలిపారు. అక్కడే జరిగే బహిరంగ సభలో ప్రసంగిస్తారన్నారు. సిఎం పర్యటనపై అధికారులతో ఎమ్మెల్యే సమీక్షించారు.

ఉరవకొండ, ఆగస్టు 29: రాజకీయ లబ్ధి కోసమే ఉరవకొండ ఎమ్మెల్యే వై విశే్వశ్వరరెడ్డి రైతులను అడ్డం పెట్టుకుని పోరాటం చేస్తున్నారని ఎమ్మెల్సీ పయ్యావుల కేశవ్ తీవ్ర స్థాయిలో ధ్వజమెత్తారు. సోమవారం స్థానిక ఎంపిడిఒ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడుతూ నియోజకవర్గ పరిధిలోని రాగులపాడు వద్దనున్న 8వ పంప్ హౌస్‌ను ముట్టడించడానికి ప్రయత్నించడం చాలాబాధకరమన్నారు.