ఇందూర్, ఆగస్టు 6: ప్రత్యేక తెలంగాణ రాష్ట్ర సాధనే జీవిత లక్ష్యంగా ముందుకు సాగిన ప్రొఫెసర్ కొత్తపల్లి జయశంకర్ జీవితాన్ని స్ఫూర్తిగా తీసుకుని, ప్రభుత్వ యంత్రాంగం బంగారు తెలంగాణ ఏర్పాటుకు చిత్తశుద్ధితో పని చేయాలని కలెక్టర్ యోగితారాణా పిలుపునిచ్చారు. కలెక్టరేట్ ప్రగతి భవన్ సమావేశ మందిరంలో శనివారం అధికారికంగా నిర్వహించిన ప్రొఫెసర్ జయశంకర్ 82వ జయంతి వేడుకలకు కలెక్టర్ ముఖ్య అతిథిగా హాజరయ్యారు.

నల్లగొండ టౌన్, ఆగస్టు 6 : కృష్ణ పుష్కరాలు సమీపిస్తుండటంతో శనివారం ఎంపీ గుత్తా సుఖేందర్‌రెడ్డి పానగల్‌లోని ఛాయా సోమేశ్వర ఆలయం వద్ద నిర్మాణంలో ఉన్న పుష్కరఘాట్ల పనులను వాటి తీరుతెన్నులను టి ఆర్ ఎస్ నియోజకవర్గ ఇంచార్జీ దుబ్బాక నర్సింహ్మారెడ్డితో కలసి పరిశీలించారు. ఈ సందర్భంగా పుష్కర అభివృద్ధి పనుల గురించి సంబంధిత అధికారులను వివరాలు అడిగి తెలుసుకున్నారు.

నల్లగొండ, ఆగస్టు 6: తెలంగాణ సిద్ధాంతకర్త ప్రొఫెసర్ జయశంకర్ చూపిన తోవలో తెలంగాణ పునర్ నిర్మాణానికి, బంగారు తెలంగాణ సాధనకు ప్రజలంతా ముందుకు సాగాలని తెలంగాణ జాగృతి రాష్ట్ర అధ్యక్షురాలు, నిజామాబాద్ ఎంపి కల్వకుంట్ల కవిత, మంత్రి జి.జగదీష్‌రెడ్డిలు పిలుపునిచ్చారు. శనివారం జిల్లా కేంద్రం నల్లగొండ పట్టణంలో ఏర్పాటు చేసిన జయశంకర్ విగ్రహాన్ని వారు ఆవిష్కరించి, జయంతి సందర్భంగ నివాళులు అర్పించారు.

నల్లగొండ, ఆగస్టు 6: బంగారు తెలంగాణ సాధనలో తెలంగాణ జాగృతి శ్రేణులు ముందునడువాలని జాగృతి రాష్ట్ర అధ్యక్షురాలు, నిజామాబాద్ ఎంపి కల్వకుంట్ల కవిత ఉద్బోధించారు. తెలంగాణ జాగృతి పదవ వార్షికోత్సవ రాష్ట్ర ప్రతినిధుల సభ రెండో రోజు శనివారం ముగింపు సందర్భంగా ఆమె ప్రతినిధులనుద్ధేశించి ప్రసంగించారు.