మచిలీపట్నం, జూలై 17: కాపు సామాజిక వర్గానికి చెందిన పేదలను పారిశ్రామిక వేత్తలుగా తీర్చిదిద్దేందుకు ప్రభుత్వం ముందుకు వచ్చింది. ఈ మేరకు కాపు కార్పొరేషన్ ద్వారా రూ.25లక్షల మేర గ్రూప్ రుణాలు మంజూరు చేయనున్నారు. జిల్లాలో 100 గ్రూపులను ఏర్పాటు చేసి రూ.25 కోట్ల మేర రుణాలు ఇచ్చేందుకు కాపు కార్పొరేషన్ అధికారులు కార్యాచరణ ప్రణాళిక తయారు చేశారు.

మైలవరం, జూలై 17: గత ఎన్నికల సమయంలో అధికారం కోసం ముఖ్యమంత్రి చంద్రబాబు నాయుడు ప్రజలకు ఇచ్చిన వాగ్దానాలన్నీ పచ్చి మోసాలేనని గడప గడపకు వెళ్ళి ప్రజలకు తెలియ చేద్దామని వైసీపీ రాష్ట్ర అధికార ప్రతినిధి, మాజీ ఎమ్మెల్యే జోగి రమేష్ కార్యకర్తలకు పిలుపునిచ్చారు.

మచిలీపట్నం (కల్చరల్), జూలై 17: క్విజ్ పోటీలు విద్యార్థుల జ్ఞాపకశక్తి, ఆలోచనాశక్తులను పెంపొందిస్తాయని కృష్ణా విశ్వవిద్యాలయం ఉపకులపతి ఆచార్య సుంకరి రామకృష్ణారావు అన్నారు. స్థానిక రాజుపేట లిటిల్ ఫ్లవర్ ఇంగ్లీష్ మీడియం హైస్కూల్‌లో ఆదివారం భారత జాతీయ కళా సాంస్కృతిక వారసత్వ పరిరక్షణ సంస్థ (ఇన్‌టాక్) మచిలీపట్నం ఛాప్టర్ ఆధ్వర్యంలో క్విజ్ పోటీలు నిర్వహించారు.

ఇంద్రకీలాద్రి, జూలై 17: వివిధ రకాలైన శాకములనే సర్వాభరణాలుగా ధరించి సర్వాగ సుందరంగా ఆభయ, వరద హస్తంతో చిరుమందహాసంతో శోభిల్లుతూ పద్మంలో ఆశీనురాలైన శాకంబరీదేవిని దర్శించుకోవటానికి భక్తులు ఇంద్రకీలాద్రికి భక్తులు పోటెత్తారు. కొంగుబంగారంగా, జీవుడికి ఆకలి, దప్పిక తీర్చే సకల సంపదలను అందించాలని భక్తులు ఆదివారం శాకంబరీదేవి దివ్య అలంకారంతో ఉన్న దుర్గమ్మను దర్శించుకోవటానికి తరలి వచ్చారు.