హైదరాబాద్‌: తెలంగాణ రాష్ట్రంలో 45వేలకు పైగా గృహాలకు కేంద్ర ప్రభుత్వం అనుమతులు మంజూరు చేసింది. రాష్ట్ర ప్రభుత్వం ప్రతిపాదించిన అన్ని ఇళ్లను కేంద్రం మంజూరు చేయటం విశేషం. గతంలో రాష్ట్రానికి 10వేల ఇళ్లు మంజూరు చేసిన సంగతి తెలిసిందే.

గువహటి: అసోంలో అధికార కాంగ్రెస్ పార్టీకి చెందిన 9 మంది రెబెల్ ఎమ్మెల్యేలపై అనర్హత వేటు పడింది. గత నెలలో బీజేపీలోకి చేరిన తొమ్మిది మంది ఎమ్మెల్యేలను సోమవారం ఆ రాష్ట్ర అసెంబ్లీ స్పీకర్ ప్రణబ్ కుమార్ గొగోయ్ అనర్హులుగా ప్రకటించారు.126 మంది సభ్యులున్న అసోం అసెంబ్లీలో ప్రస్తుతం కాంగ్రెస్కు 69 ఎమ్మెల్యేలున్నారు.

చెన్నై: రోడ్డు ప్రమాదంలో నలుగురు అన్నదమ్ములు ఒకేసారి మరణించిన విషాద సంఘటన తమిళనాడులోని కృష్ణగిరి జిల్లాలో చోటుచేసుకుంది. జిల్లాలోని కావేరి పట్టణానికి చెందిన ఈ నలుగురు అన్నదమ్ములు పండ్ల వ్యాపారస్థులు. వీరంతా ఆటోలో వెళ్తుండగా ఆటో టైరు పేలి రోడ్డు పక్కన గొయ్యిలో పడడంతో ప్రమాదం జరిగింది.

హైదరాబాద్ : మంత్రులు కేటీఆర్, తలసాని సమక్షంలో కేఎం ప్రతాప్, కట్టెల శ్రీనివాస్, వీఎన్ రెడ్డిలు టీఆర్ఎస్ లో చేరారు.