న్యూఢిల్లీ, డిసెంబర్ 20: పార్లమెంటు భవనాన్ని సందర్శించే వారు మీడియాతో మాట్లాడవద్దని ప్రభుత్వం సలహా ఇచ్చింది. ‘మీడియాతో మాట్లాడవద్దని సందర్శకులను కోరుతున్నాం’ అని లోక్‌సభ సెక్రటేరియట్ జారీ చేసే జనరల్ పాస్‌లపై ఎర్ర అక్షరాలతో రాసి ఉంటోంది. అలాగే మొబైల్ ఫోన్లు, కెమెరాలు, తుపాకులులాంటి మారణాయుధాలను కూడా పార్లమెంటు భవనంలోపలికి తీసుకు రావద్దని సందర్శకులకు సూచించారు.

న్యూఢిల్లీ, డిసెంబర్ 20: డిడిసిఎ వ్యవహారానికి సంబంధించి తనపై తీవ్ర ఆరోపణలు చేస్తున్న ఢిల్లీ ముఖ్యమంత్రి కేజ్రీవాల్, మరో ఐదుగురు ఆమ్ ఆద్మీ పార్టీ నేతలపై పరువు నష్టం దావావేయాలని కేంద్ర ఆర్థిక మంత్రి అరుణ్ జైట్లీ నిర్ణయించుకున్నారు. వీరిపై ఢిల్లీ హైకోర్టులోనూ, పాటియాలా హౌజ్ కోర్టుల్లోనూ సోమవారం క్రిమినల్, పరువు నష్టం కేసులు దాఖలు చేయాలని తన న్యాయవాదుల బృందాన్ని కోరారు.

విజయవాడ, డిసెంబర్ 20: విజయవాడ కేంద్రంగా రాష్టవ్య్రాప్తంగా ప్రకంపనలు సృష్టిస్తున్న కాల్‌మనీ వ్యవహారాన్ని ఏఒక్కరూ కూడా రాజకీయ కోణంలో చూడరాదని బిజెపి మహిళా మోర్చా జాతీయ ఇన్‌చార్జ్, మాజీ కేంద్ర మంత్రి దగ్గుబాటి పురంధ్రీశ్వరి అన్నారు. వడ్డీ సొమ్ము బకాయిదారులపై లైంగిక, మానసిక వేధింపులకు పాల్పడిన వారందరిపై నిర్భయ చట్టం కింద తక్షణం కేసులు నమోదు చేయాలని ఆమె డిమాండ్ చేశారు.

కాకినాడ, డిసెంబర్ 20: కేబుల్ టీవీ డిజిటలైజేషన్ ప్రక్రియను డిసెంబర్ 31వ తేదీలోగా పూర్తిచేయడానికి యుద్ధప్రాతిపదికన చర్యలు తీసుకోవాలని రాష్ట్ర ప్రభుత్వం ఆదేశించింది. గడువులోగా సెట్‌ఆప్ బాక్స్‌లను ఏర్పాటుచేసుకోని పక్షంలో కేబుల్ ప్రసారాలు నిలిపివేయాలని స్పష్టం చేసింది.