హామిల్టన్, డిసెంబర్ 20: శ్రీలంక, న్యూజిలాండ్ జట్ల మధ్య జరుగుతున్న రెండో టెస్టు మ్యాచ్ ఆసక్తికరమైన మలుపులు తిరుగుతున్నది. నిన్నటి వరకూ శ్రీలంకది పైచేయికాగా, మ్యాచ్ మూడోరోజు, ఆదివారం టిమ్ సౌథీ విజృంభణతో కివీస్ ఆధిపత్యాన్ని సంపాదించింది. విజయం దిశగా అడుగులు వేస్తున్నది.

కోల్‌కతా, డిసెంబర్ 20: టాటా స్టుల్ కోల్‌కతా 25కె రన్ మహిళల విభాగంలో సుధా సింగ్ టైటిల్ కైవసం చేసుకుంది. వచ్చే ఏడాది రియో డి జెనీరియోలో జరిగే ఒలింపిక్స్‌కు అర్హత సంపాదించిన ఆమె ఈ రన్‌ను ప్రాక్టీస్ ఈవెంట్‌గా పూర్తి చేసింది. లక్ష్యాన్ని ఒక గంట, 27.31 నిమిషాల్లో చేరుకున్న సుధ విజేతగా నిలవగా, చివరి క్షణం వరకూ ఆమెకు గట్టిపోటీనిచ్చిన లలితా బాబర్ ఒక గంట, 27.47 నిమిషాలతో ద్వితీయ స్థానాన్ని ఆక్రమించింది.

న్యూఢిల్లీ, డిసెంబర్ 20: టెలికాం రంగంలో ప్రైవేట్ సంస్థలతో పోటీని తట్టుకోలేక వెనుకబడిన ప్రభుత్వరంగ సంస్థ బిఎస్‌ఎన్‌ఎల్.. వినియోగదారులను పెంచుకోవడంపై ఇప్పుడు దృష్టి సారించింది. ఇందులోభాగంగానే కొత్తగా బిఎస్‌ఎన్‌ఎల్ మొబైల్ నెట్‌వర్క్‌ను ఎంచుకునే వినియోగదారులకి తొలి రెండు నెలలపాటు కాల్ చార్జీలను 80 శాతం వరకు తగ్గించింది.

పరకాల, డిసెంబర్ 20: విద్యుదు త్పత్తికి కెటిపిపి రెండో దశ 600 మెగావాట్ల కేంద్రం సిద్ధమైంది. ట్రయల్న్ విజయవంతం కావడంతో వాణిజ్య ఉత్పత్తిని చేపట్టి తెలంగాణ ప్రజలకు నూతన సంవత్సర కానుకగా అందించేందుకు జెన్‌కో సన్నాహాలు చేస్తోంది. రెండో దశ 600 మెగావాట్ల కేంద్రాన్ని పూర్తి స్థాయిలో నడిపించి విజయవంతం చేసినట్లు అధికారులు తెలిపారు. మూడు రోజుల పాటు ఆగకుండా ప్రాజెక్ట్ నడిపించామన్నారు.