వనస్థలిపురం, జూన్ 13: అనుమానాస్పద స్థితిలో 10వ తరగతి విద్యార్థిని స్కూల్ భవనం ఐదవ అంతస్తు పైనుంచి పడి మృతిచెందిన సంఘటన ఎల్బీనగర్ పోలీస్ స్టేషన్ పరిధిలో జరిగింది. గురువారం నాగోలు డివిజన్ సాయి నగర్ కాలనీ నాగార్జున హైస్కూల్‌లో చోటు చేసుకున్న ఈ సంఘటన స్థానికంగా సంచలనం సృష్టించింది. స్థానికులు, పోలీసుల కథనం ప్రకారం సంఘటనకు సంబంధించిన పూర్తి వివరాలు ఇలా ఉన్నాయి.

ముంబయి, జూన్ 13: బాలీవుడ్ నటి తనుశ్రీ దత్తాపై లైంగిక వేధింపుల ఆరోపణల కేసులో వెటరన్ నటుడు నానాపటేకర్‌కు ఊరట లభించింది. లైంగిక వేధింపుల కేసులో ఎలాంటి ఆధారాలు లభించని కారణంగా ఆయనపై విచారణ కొనసాగించలేమని ముంబయి పోలీసులు కోర్టుకు తెలియజేశారు. గత సంవత్సరం తనపై లైంగిక వేధింపులకు నానాపటేకర్ పాల్పడ్డారని తనుశ్రీ దత్తా ‘మీ టూ..’ పేరుతో సామాజిక మాధ్యమాల్లో పెట్టిన పోస్టులు సంచలనం రేపిన సంగతి విదితమే.

గౌహతి, జూన్ 13: జాతీయ పౌర రిజిస్టర్ (ఎన్‌ఆర్‌సీ)లో పేరు నమోదు చేసేందుకు ఓ మహిళ నుంచి లంచం తీసుకున్న ఇద్దరు అధికారులు గురువారం ఏసీబీ అధికారులకు పట్టుబడ్డారు. ఇక్కడి దిస్పూర్‌లోని జాతీయ పౌర రిజిస్టర్ సేవా కేంద్రంలో పనిచేసే ఫీల్డ్ లెవల్ అధికారి సయ్యద్ సహజాన్ ఒక మహిళ నుంచి రూ. 10వేలు లంచం తీసుకుంటుండగా రెడ్ హ్యాండెడ్‌గా పట్టుబడ్డాడు.

వై రామవరం/సీలేరు, జూన్ 12: తూర్పు-విశాఖ సరిహద్దుల్లోని ఏవోబీలో పోలీసులకు-మావోయిస్టులకు మధ్య ఎదురుకాల్పులు చోటుచేసుకున్నాయి. సరిహద్దు ప్రాంతంలో మావోయిస్టుల కదలికలు ఉన్నాయన్న సమాచారం మేరకు గ్రేహౌండ్స్ దళాలు మంగళవారం రాత్రి కూంబింగ్ నిర్వహిస్తుండగా ఈ సంఘటన చోటుచేసుకుంది.