విజయవాడ, జూన్ 12: నిబంధనలకు విరుద్ధంగా ప్రభుత్వం నుంచి కనీసం గుర్తింపు లేకుండానే ఏడాది కాలంగా ఒకటి నుంచి 10వ తరగతి వరకు 500 మంది విద్యార్థులతో సత్యనారాయణపురంలో నడుస్తున్న నారాయణ ఇంగ్లీష్ మీడియం పాఠశాలను పునఃప్రారంభం రోజే జిల్లా ఉప విద్యాశాఖాధికారి రవికుమార్ సీజ్ చేశారు. ఈ హఠాత్ పరిణామం పట్ల పిల్లలు, వారి తల్లిదండ్రులు కంగుతిన్నారు.

మిర్యాలగూడ టౌన్, జూన్ 12: నల్లగొండ జిల్లా మిర్యాలగూడ పట్టణంలో గత ఏడాది సెప్టెంబర్ 14న ప్రేమ వివాహం చేసుకున్న దళిత యువకుడు పీ.ప్రణయ్‌కుమార్ హత్య కేసులో పోలీసులు 1,600 పేజీల చార్జిషీటును సిద్ధం చేసి నల్లగొండ కోర్టులో సమర్పించేందుకు బుధవారం వెళ్లారు. రాష్ట్రంలో సంచలనం సృష్టించిన ప్రణయ్‌కుమార్ హత్యలో పోలీసు అధికారులు అన్ని కోణాల నుండి దర్యాప్తు కొనసాగించారు.

పనాజీ: ఓ ఛీటింగ్ కేసుకు సంబంధించి కేంద్ర ఆయుష్ మంత్రి శ్రీపాద్ నాయక్ బుధవారం గోవాలోని కోర్టుకు సాక్షిగా హాజరయ్యారు. ఓ ఛీటింగ్ కేసులో వినోద్ దేశాయ్‌ని పోలీసులు అరెస్టు చేసి కోర్టులో హాజరుపరిచారు. అయితే సదరు వ్యక్తి తాను లోగడ శ్రీపాద నాయక్ వద్ద పని చేశానని నమ్మించి మోసగించాడు.

న్యూఢిల్లీ: ఉత్తరప్రదేశ్ మాజీ మంత్రి గాయత్రీ ప్రజాపతి ఇళ్లపై సీబీఐ బుధవారం దాడులు నిర్వహించింది. అక్రమ మైనింగ్ కేసు నేపథ్యంలో ఈ దాడులు జరిగినట్టు అధికారులు ఒక ప్రకటనలో తెలిపారు. అమేథీలో ఆయనకున్న మూడిళ్లలో సోదాలు జరిపినట్టు వారు తెలిపారు. అదేవిధంగా అమీర్‌పూర్ జిల్లాలో, న్యూఢిల్లీ తదితర ప్రాంతాల్లోని 11 స్థావరాలపై ఏకకాలంలో దాడులు జరిగినట్టు అధికారులు పేర్కొన్నారు.