గుత్తి: అనంతపురం జిల్లా గుత్తి సమీపంలో జాతీయ రహదారిపై మంగళవారం తెల్లవారుజామున జరిగిన రోడ్డు ప్రమాదంలో నలుగురు మృతి చెందారు. మరో ఇద్దరికి గాయాలయ్యాయి. నిలిచిఉన్న లారీని అంబులెన్స్ ఢీకొనడంతో ఈ ప్రమాదం జరిగింది. మృతులు గుంటూరు జిల్లా నరసారావుపేట ఎస్‌ఆర్ గేట్ కాలనీకి చెందిన షేక్ మస్తాన్‌వలీ, షేక్ బాజీ, గౌస్ ఇస్మాయిల్, మణికంఠగా గుర్తించారు. యంత్రాల మరమ్మతుకోసం రైలులో డోన్ చేరుకున్నారు.

తిరుపతి, మార్చి 18: తిరుమలలోని షాపింగ్ కాంప్లెక్స్‌లో తల్లిదండ్రుల పక్కన నిద్రిస్తున్న మూడు నెలల చిన్నారిని కిడ్నాప్ చేసిన మహిళను 24 గంటల్లో పోలీసులు అరెస్టు చేశారు. మంగళం క్వార్టర్స్‌లో ఉన్న ఆమెను సెల్‌ఫోన్ సిగ్నల్స్ ఆధారంగా గుర్తించిన పోలీసులు సోమవారం అరెస్టు చేసి ఆమె వద్ద నుంచి బిడ్డను స్వాధీనం చేసుకుని తల్లిదండ్రులకు అప్పగించారు.

పులివెందుల, మార్చి 18: మాజీ మంత్రి వైఎస్.వివేకానందరెడ్డి హత్య కేసులో సిట్ అధికారులు విచారణను ముమ్మరం చేశారు. ఇందులో భాగంగా సోమవారం మాజీ ఎంపీ వైఎస్.అవినాష్‌రెడ్డిని పులివెందుల డీఎస్పీ కార్యాలయంలో సిట్ సభ్యులు డీఎస్పీ శ్రీనివాసులు విచారించారు.

జీడిమెట్ల, మార్చి 18: కుటుంబ కలహాలతో ఓ గృహిణి ఆత్మహత్యాయత్నం చేసుకున్న సంఘటన పేట్‌బషీరాబాద్ పోలీస్‌స్టేషన్ పరిధిలో జరిగింది. కొంపల్లిలో నివాసముండే కే.గీత (20), భర్త శ్రీకాంత్. భార్యాభర్తల మధ్య కలహాలతో గీత ఒంటిపై కిరోసిన్ పోసుకుని నిప్పంటించుకుంది. మంటలను ఆర్పివేసి చికిత్స నిమిత్తం ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.