కల్వకుర్తి, సెప్టెంబర్ 1: మండల పరిధిలోని తిమ్మరాసిపల్లి గ్రామ సమీపంలో గల కల్వకుర్తి ఎత్తిపోతల పథకం ప్రధాన కాల్వలో పడి తిమ్మరాసిపల్లి గ్రామానికి చెందిన గోరెట్ల సుక్కమ్మ (45) అనే మహిళ, బర్రె బాలయ్య (80) అనే ఇద్దరు మృతి చెందిన సంఘటన శనివారం చోటు చేసుకుంది. ఈ ఘటనపై కేసు నమోదు చేసి దర్యాప్తు చేస్తామని ఎస్సై రవి తెలిపారు.

రొంపిచర్ల, సెప్టెంబర్ 1: అద్దంకి- నార్కెట్‌పల్లి రాష్ట్ర రహదారిపై సుబ్బయ్యపాలెం క్రాస్ వద్ద శనివారం సాయంత్రం జరిగిన రోడ్డు ప్రమాదం లో ఒకరు అక్కడికక్కడే మృతి చెంద గా, చికిత్స పొందుతూ మరొకరు మృతిచెందారు. మరో నలుగురికి తీవ్ర గాయాలయ్యాయి. పోలీసులు కథనం ప్రకారం..

కేవీబీపురం, సెప్టెంబర్ 1: కేవీబీపురం మండలంలోని సిద్దేశ్వరకోనలో మరో ఇద్దరు ఇంజనీరింగ్ విద్యార్థులు శనివారం మృతిచెందినట్లు కేవీబీపురం ఎస్‌ఐ నరేష్ తెలిపారు. ఎస్‌ఐ తెలిపిన సమాచారం మేరకు చెన్నైలోని ఎస్‌ఆర్‌ఎం ఈశ్వరి ఇంజనీరింగ్ కాలేజీలో రెండో సంవత్సరం బీటెక్ సివిల్‌కోర్సు చదువుతున్న సిలంబరసన్ (18), విజయ్ ఆనంద్ (18) సిద్దేశ్వర కోన నీటివాగులో పడి మృతిచెందినట్లు ఆయన తెలిపారు.

బొండపల్లి, సెప్టెంబర్ 1: మండలంలోని రుద్రపాలెం గ్రామ సమీపంలో లారీ ఢీకొన్న ప్రమాదంలో మోటారు సైకిలుపై వెళుతున్న మహిళ తలకు తీవ్ర గాయాకావడంతో అక్కడికక్కడే మృతి చెందిన సంఘటన శనివారం సాయంత్రం చోటుచేసుకొన్నది. గజపతినగరం పంచాయతీ శివారు ఎం.వెంకటాపురం గ్రామంలో నివాసం ఉంటున్న గేదెల మంగ (40) ఒక శుభకార్యానికి బి.రాజేరు మోటారు సైకిలుపై వెళ్తుండగా ఎదురుగా వస్తున్న లారీ డీకొట్టింది.