విశాల్, తమన్నా జంటగా హరి వెంకటేశ్వర పిక్చర్స్ పతాకంపై యువ నిర్మాత జి.హరి అందిస్తున్న చిత్రం ‘ఒక్కడొచ్చాడు’. సురాజ్ దర్శకత్వంలో రూపొందిన ఈ చిత్రానికి సంబంధించిన అన్ని కార్యక్రమాలు పూర్తిచేశారు. ఈ నెలలోనే విడుదలకావలసిన ఈ చిత్రం ప్రస్తుతం నెలకొని వున్న పరిస్థితుల దృష్ట్యా డిసెంబర్‌లో విడుదల చేయడానికి నిర్మాతలు సన్నాహాలు చేస్తున్నారు.

దర్శక ధీరుడు రాజవౌళి దర్శకత్వంలో వచ్చిన ‘విక్రమార్కుడు’ సినిమా సంచలన విజయం సాధించిన విషయం తెలిసిందే. రవితేజ కెరీర్‌లో బ్లాక్‌బస్టర్ హిట్‌గా నిలిచిన ఈ సినిమాలో రవితేజ డ్యూయెల్ రోల్ చేసి ఆకట్టుకున్నాడు. ఇప్పుడు ఈ సినిమాకు సీక్వెల్ రూపొందించే సన్నాహాలు జరుగుతున్నాయి. ఈ చిత్రానికి కథ అందించిన ప్రముఖ రచయిత విజయేంద్ర ప్రసాద్ ఈ సినిమా సీక్వెల్ కోసం కథను సిద్ధం చేస్తున్నాడు.

బాలీవుడ్ నటి శ్రద్ధాకపూర్ అండర్‌వరల్డ్ డాన్ దావూద్ కుటుంబ సభ్యులను కలవడం బాలీవుడ్‌లో కలకలం రేపింది. దావూద్ సోదరి హసీనాకు సంబంధించి కథతో బాలీవుడ్‌లో ‘హసీనా’ అనే చిత్రాన్ని రూపొందిస్తున్నారు. ఈ చిత్రంలో హసీనా పాత్రను శ్రద్ధాకపూర్ పోషిస్తోంది. దీనికి సంబంధించిన వివరాల కోసం దావూద్ కుటుంబ సభ్యులను శ్రద్ధాకపూర్ కలసింది. అపూర్వ లఖియా దర్శకత్వంలో తెరకెక్కుతున్న ఈ చిత్రం కోసం ఆమె హోంవర్క్ చేస్తోంది.

తెలుగు ప్రేక్షకుల్లో విపరీతమైన ఫాలోయింగ్ తెచ్చుకుంది హాట్ హాట్ అందాల రాశిఖన్నా. చేసింది తక్కువ సినిమాలే అయినా ఈ భామకు వచ్చిన క్రేజ్ మాత్రం ఎక్కువే. బొద్దు బొద్దు అందాలతో ఆకట్టుకుంటున్న రాశిఖన్నా అటు కోలీవుడ్‌లోకి అడుగుపెట్టింది. అసలే బొద్దు అందాలంటే అక్కడి ప్రేక్షకులకు అదో కిక్. అందుకే ఒక్క సినిమా కూడా విడుదల కాకముందే రాశికి మూడు సినిమాల ఛాన్సులు వచ్చాయి.