న్యూఢిల్లీ, ఆగస్టు 7: ఇటీవల ఇస్లామాబాద్‌లో జరిగిన సార్క్ దేశాల హోంమంత్రుల సమావేశం సందర్భంగా పాకిస్తాన్ అధికారులు భారతీయ జర్నలిస్టులను కనీసం ప్రవేశ ద్వారం వద్ద కూడా నిలబడనివ్వలేదు. సార్క్ దేశాల మంత్రుల సమావేశం ప్రారంభోత్సవ కార్యక్రమానికి మీడియాను అనుమతించడం ఆనవాయితీ. తరువాత జరిగే కార్యక్రమానికి మాత్రం మీడియాను దూరంగా ఉంచుతారు.

న్యూఢిల్లీ, ఆగస్టు 7: దైనందిన జీవితా ల్లో చేనేత ఉత్పత్తులనే ఎక్కువగా వాడాలని ప్రధాని నరేంద్ర మోదీ పిలుపునిచ్చారు. చేనేత రంగం ఎంతగా అభివృద్ధి చెందితే అంతగా ఉపాధి అవకాశాలు పెరుగుతాయని, అలాగే మహిళల సాధికారికతకూ ఈ రంగం ఎంతగానో ఊతాన్నిస్తుందని తెలిపారు. చేనేత దినోత్సవం సందర్భంగా ఆదివారం వివిధ ట్వీట్లు చేసిన మోదీ ఈ రంగం ప్రాధాన్యతను, దాన్ని మరింతగా అభివృద్ధి చేయాల్సిన అవసరాన్ని వివరించారు.

న్యూఢిల్లీ, ఆగస్టు 7: ‘లాభదాయక పదవి’ నిర్వహిస్తున్నారన్న పేరుతో పలువురు ప్రజాప్రతినిధులు అనర్హత పొందుతున్నారని, నిజానికి ‘లాభదాయక పదవి’(ఆఫీస్ ఆఫ్ ప్రాఫిట్)కి ఏ చట్టంలో కానీ, ఏ తీర్పులో కానీ ఎలాంటి నిర్వచనం ఇవ్వలేదని పార్లమెంటరీ కమిటీ ఒకటి పేర్కొంది. దీనికి సంబంధించి ఒక బిల్లును పార్లమెంట్ ముందుకు తీసుకురావాలని కేంద్ర న్యాయశాఖను ఈ కమిటీ కోరింది.

హైదరాబాద్:దేశంలో దళితులపై దాడులు చేయడం మానవత్వానికి మచ్చ అని, వసుధైక కుటుంబం అని చెప్పుకునే మనదేశంలో ఇలాంటివి తగవని ప్రధాని నరేంద్రమోదీ అన్నారు. కావాలంటే తనపై దాడి చేయాలేతప్ప వారిని కాపాడుకోవాలని అన్నారు. నగరంలోని ఎల్‌బి స్టేడియంలో జరిగిన బిజెపి మహాసమ్మేళన సభలో ఆయన మాట్లాడారు. దళితులతోసహా అన్నివర్గాలను కలుపుకుపోతే వచ్చే 50 ఏళ్లవరకు ఏ శక్తీ బిజెపిని అడ్డుకోలేదని అన్నారు.