న్యూఢిల్లీ, ఆగస్టు 5: కాశ్మీర్‌లో శాంతి భద్రతల పరిస్థితి క్రమంగా మెరుగవుతున్నాయని కేంద్ర ప్రభుత్వం శుక్రవారం లోక్‌సభకు వివరించింది. హిజ్‌బుల్ ముజాహిదీన్ మిలిటెంట్ బుర్హాన్ వనీ భద్రతాదళాల కాల్పుల్లో మరణించిన తరువాత రాష్ట్రం హింసా, విధ్వంసకాండలతో అట్టుడికిన నేపథ్యంలో సుప్రీం కోర్టుకు తాజా స్థితిగతుల నివేదికను సమర్పించింది.

న్యూఢిల్లీ, ఆగస్టు 5: వివిధ రాష్ట్రాలకు చెందిన మంత్రుల్లో 34శాతం మందిపై క్రిమినల్ కేసులు ఉన్నాయని, సగటున 8.59కోట్లతో 76శాతం మంది కోటీశ్వరులున్నారని తాజాగా జరిగిన ఓ సర్వేలో వెల్లడైంది. 29 రాష్ట్రాల అసెంబ్లీలు, రెండు కేంద్ర పాలిత ప్రాంతాలకు చెందిన 620మంది మంత్రుల్లో 609మందిపై ఈ సర్వే జరిగింది.

న్యూఢిల్లీ,ఆగస్టు 5: ‘మీ సమస్యలు నా సమస్యలు, మీ సమస్యలను పరిష్కరించే బాధ్యత నాది’ అని ప్రధాన మంత్రి నరేంద్ర మోదీ తెలుగుదేశం ఎం.పిలకు హామీ ఇచ్చారు. కేంద్ర సైన్సు,విజానం శాఖ మంత్రి సుజనా చౌదరి, పౌరవిమానయాన శాఖ మంత్రి అశోక్ గజపతి రాజు నాయకత్వంలో తెలుగుదేశం ఎం.పిలు శుక్రవారం మధ్యాహ్నం పార్లమెంటు ఆవరణలోని ప్రధాన మంత్రి కార్యాలయంలో నరేంద్ర మోదీని కలిసి ఏ.పికి ప్రత్యేక హోదాపై తమ వాదనలు వినిపించారు.

న్యూఢిల్లీ,ఆగస్టు 5: ఐదు కోట్ల మంది ఆంధ్రులు ప్రత్యేక హోదా కోసం ఎదురు చూస్తున్నారు, వారి ఆశలను దెబ్బ తీయకూడదని కాంగ్రెస్ పార్టీ ఉపాధ్యక్షుడు రాహుల్ గాంధీ శుక్రవారం ట్వీట్ చేశారు. ఆంధ్రాకు ప్రత్యేక హోదా ఇవ్వాలనే నిర్ణయం ఈ దేశ పార్లమెంటు 2014లో తీసుకున్నదేనన్న వాస్తవాన్ని మరిచిపోకూడదని ఆయన సూచించారు. ఐదు కోట్ల మంది ఆంధ్రులను బిజెపి, తెలుగుదేశం వెన్నుపోటు పొడుస్తోందని రాహుల్ ఆరోపించారు.