న్యూఢిల్లీ, జూలై 20: తెలంగాణ నీటి ప్రాజెక్టులకు ఆర్థిక సాయం అందించాలని రాష్ట్ర ఐటీ, పురపాలక మంత్రి కె తారక రామారావు కేంద్రానికి విజ్ఞప్తి చేశారు. కెటిఆర్ రెండు రోజుల ఢిల్లీ పర్యటనలో బుధవారం బిజీబిజీగా గడిపారు. కేంద్ర మంత్రులు వెంకయ్యనాయుడు, స్మృతి ఇరానీలను కలిసి పలు ప్రతిపాదనలను కేంద్రం ముందుంచారు.

న్యూఢిల్లీ,జూలై 20: ఏ.పికి ప్రత్యేక హోదా కోసం కెవిపి రామచంద్రరావు ప్రతిపాదించిన ప్రైవేట్ మెంబర్ బిల్లుకు రాజ్యసభ ఆమోద ముద్ర వేయించుకోవాలనే పట్టుదలతో ఉన్న కాంగ్రెస్ పార్టీ బుధవారం పార్టీ ఎంపిలకు మూడు లైన్ల విప్ జారీ చేసింది. కాంగ్రెస్ సభ్యులందరూ శుక్రవారం రోజంతా రాజ్యసభ కార్యక్రమాలకు హాజరై అధినాయకత్వం నిర్ణయం మేరకు నడుచుకోవాలంటూ కాంగ్రెస్ విప్ జారీ చేసింది.

దిల్లీ: పార్టీ టిక్కెట్లను ఎక్కువ డబ్బులకు అమ్ముకుంటూ బిఎస్‌పి అధినేత్రి మాయావతి ఓ వేశ్యలా వ్యవహరిస్తున్నారంటూ యుపికి చెందిన బిజెపి నాయకుడు దయాశంకర్ సింగ్ చేసిన వ్యాఖ్యలు బుధవారం రాజ్యసభలో దుమారం సృష్టించాయి. దళిత మహిళపై ఇలాంటి నీచమైన వ్యాఖ్యలు చేసినందుకు దయాశంకర్‌పై చర్యలు తీసుకోవాలని బిఎస్‌పి ఎంపీలు పట్టుబట్టడంతో రాజ్యసభలో గందరగోళం చెలరేగింది. దీంతో సభను రేపటికి వాయిదా వేశారు.

అలహాబాద్‌: గూగుల్‌ ఇమేజ్‌ సెర్చ్‌లో ప్రపంచంలోని టాప్‌ 10 క్రిమినల్స్‌ జాబితా సెర్చ్‌ చేస్తే అందులో ప్రధాని నరేంద్ర మోదీ ఫొటో కూడా వచ్చింది. ఇమేజ్‌ సెర్చ్‌ ఇంజన్‌ ఇలా తప్పుగా చూపించడంపై సుశీల్‌కుమార్‌ మిశ్రా అనే న్యాయవాది దాఖలు చేసిన పిటిషన్‌పై గూగుల్‌కు అలహాబాద్‌ కోర్టు నోటీసులు పంపించింది. ఈ మేరకు గూగుల్‌ సీఈఓ, గూగుల్‌ ఇండియా హెడ్‌కు లీగల్‌ నోటీసులు జారీ చేసింది.