తిరువనంతపురం, జూలై 9: కేరళలో గత నెల రోజుల నుంచీ కనిపించకుండా పోయిన యువకులు దాదాపు 15 మంది మధ్య ఆసియాకు చేరివుంటారని అనుమానిస్తున్నారు. ఐఎస్‌ఐఎస్ ఉగ్రవాదుల ట్రాప్‌లో చిక్కుకోవడమో లేక వారి ప్రేరణకు లోనుకావడమో జరిగివుంటుందని, దీనిని తీవ్రంగా పరిగణిస్తున్నామని ఆ రాష్ట్ర ముఖ్యమంత్రి పినరయి విజయన్ విలేఖరులకు తెలిపారు. దీనిపై మరింత సమాచారాన్ని రాబట్టాలని ఆయన పోలీసులను ఆదేశించారు.

న్యూఢిల్లీ, జూలై 9: మధుర-పల్వాల్ మధ్య నడిచే హైస్పీడ్ రైలు శనివారం ట్రయల్ రన్ ప్రారంభించారు. మధుర నుంచి గంటకు 120 కిలోమీటర్ల వేగంతో ఈ రైలు పరుగులెత్తింది. రైలులో స్పెయిన్, భారత రైల్వే అధికారులు ప్రయాణించారు. రైలు రెండోదశ ట్రయల్ రన్ విజయవంతమైందని అధికారులు ప్రకటించారు. తొమ్మిది బోగీలున్న ఈ రైలు మధ్యాహ్నం 12.40కి మధురలో బయలుదేరింది. పల్వాల్ స్టేషన్‌కు 1.33 గంటలకు చేరుకుంది.

ఫుల్‌బానీ (ఒడిశా), జూలై 9: మావోయిస్టులు, భద్రతాదళాల ఎదురుకాల్పుల ఘటన ఆరుగురు గ్రామస్థులను బలితీసుకుంది. ఇద్దరు మహిళలు, ఒక బాలుడు సహా కాల్పుల్లో మృతి చెందారు. ఒడిశాలోని కంధామల్ జిల్లా గుముత్‌మహాలో ఈ ఘటన చోటుచేసుకుంది. కంధామల్ ఎస్పీ పినాక్ మిశ్రా కథనం ప్రకారం మావోయిస్టులు కదలికపై సమాచారం అందుకున్న భద్రతాదళాలు ఆ ప్రాంతంలో గాలింపు చేపట్టారు.

కోల్‌కతా, జూలై 9: భారతీయ పర్యాటకులకు భద్రత కల్పిస్తామని ఎలాంటి భయాందోళనకు గురికావద్దని బంగ్లాదేశ్ ప్రభుత్వం స్పష్టం చేసింది. రాజధాని ఢాకాలో ఇటీవల జరిగిన ఉగ్రవాద దాడుల నేపథ్యంలో బంగ్లా ప్రధాని షేక్ హసీనా ఈ మేరకు భరోసా ఇచ్చారు. ‘దేశంలో ఇటీవల జరిగిన ఉగ్రవాద దాడులు అత్యంత దురదృష్టకరం. ఇలాంటివి పునరావృతం కాకుండా కట్టుదిట్టమైన చర్యలు తీసుకుంటాం.