న్యూఢిల్లీ,మే 3: తెలంగాణ రాజధాని హైదరాబాదులోని ఆడ్మినిస్ట్రేటివ్ స్ట్ఫా కాలేజీలో కొనసాగుతున్న అవకతవకలపై దర్యాప్తు జరిపించి తప్పు చేసిన వారిపై కఠిన చర్యలు తీసుకోవాలని కాంగ్రెస్ రాజ్యసభ సభ్యుడు పాల్వాయి గోవర్దన్ రెడ్డి ప్రధాన మంత్రి నరేంద్ర మోదీని డిమాండ్ చేశారు. మంగళవారం రాజ్యసభలో 371 నోటీసు కింద ఈ అంశాన్ని ఆయన ప్రస్తావించారు.

న్యూఢిల్లీ,మే 3: ఆంధ్రప్రదేశ్‌కు తీవ్ర నష్టం కలిగిస్తున్న విభజన చట్టంలోని మూడు విభాగాలను సవరించాలని తెలుగుదేశం సభ్యుడు గళ్లా జయదేవ్ డిమాండ్ చేశారు. గళ్లా జయదేవ్ మంగళవారం లోకసభ జీలో అవర్‌లో మాట్లాడవుతూ ఏ.పి.విభజన చట్టంలోని 50, 51, 56 విభాగాలు పరస్పర వ్యతిరేక అర్థాన్ని ఇస్తున్నాయి, దీని మూలంగా రాష్ట్రానికి తీవ్ర నష్టం కలుగుతోందని ఆందోళన వ్యక్తం చేశారు.

న్యూఢిల్లీ, మే 3: పఠాన్‌కోట్ వాయుసేనా కేంద్రం ఇప్పటికీ సురక్షితంగా లేదని.. ఎయిర్‌బేస్‌కి పెనుముప్పు ఇంకా పొంచి ఉన్నదని పార్లమెంటరీ స్థారుూ సంఘం అభిప్రాయపడింది. దేశంలో అత్యంత కీలక రక్షణ స్థావరమైన పఠాన్‌కోట్‌లో భద్రత చర్యలు పటిష్టం చేసేందుకు తక్షణ చర్యలు చేపట్టాల్సిన అవసరం ఉందని ఈ సంఘం అభిప్రాయపడింది.

న్యూఢిల్లీ, మే 3: ఉత్తరాఖండ్ అసెంబ్లీలో తన పర్యవేక్షణలో బలపరీక్ష నిర్వహించే అవకాశాలున్నాయేమో పరిశీలించి తనకు తెలియజేయాలని సుప్రీంకోర్టు మంగళవారం అటార్నీ జనరల్‌ను ఆదేశించింది. రాష్ట్రంలో రాష్టప్రతి పాలనను ఎత్తివేస్తూ ఉత్తరాఖండ్ హైకోర్టు ఇచ్చిన తీర్పును వ్యతిరేకిస్తూ కేంద్ర ప్రభుత్వం చేసుకున్న అపీల్‌పై విచారణను సుప్రీంకోర్టు బుధవారం దాకా వాయిదా వేసింది.