దిల్లీ: ఉత్తరాఖండ్‌లో పదవీచ్యుతుడైన ముఖ్యమంత్రి హరీష్ రావత్ అసెంబ్లీలో బలనిరూపణకు అవకాశం ఇవ్వాలంటూ సుప్రీం కోర్టు మంగళవారం నాడు కేంద్ర ప్రభుత్వానికి సూచించింది. ఉత్తరాఖండ్‌లో రాష్టప్రతి పాలనను రద్దు చేస్తూ నైనిటాల్ హైకోర్టు ఇచ్చిన తీర్పుపై ‘స్టే’ విధించిన సుప్రీం కోర్టు తాజాగా ఈ ఆదేశాలు జారీ చేస్తూ కేసు విచారణను బుధవారానికి వాయిదా వేసింది. సుప్రీం ఆదేశంపై కేంద్రం ఇంకా స్పందించాల్సి ఉంది.

దిల్లీ: ప్రధాని నరేంద్ర మోదీ అధ్యక్షతన బిజెపి పార్లమెంటరీ పార్టీ సమావేశం పార్లమెంట్ లైబ్రరీ హాలులో మంగళవారం ఉదయం ప్రారంభమైంది. పార్టీ అధ్యక్షుడు అమిత్ షా, పలువురు కేంద్రమంత్రులు హాజరయ్యారు. తాజా రాజకీయ పరిస్థితులు, అగస్టా హెలికాప్టర్ల కుంభకోణం, దేశంలో కరవు పరిస్థితులు తదితర అంశాలు చర్చకు వచ్చినట్లు సమాచారం.

ముంబయి, మే 2: 1993 ముంబయి సీరియల్ బాంబు పేలుళ్ల కేసులో శిక్ష అనుభవించి, ఇటీవలే జైలు నుంచి విడుదలైన బాలీవుడ్ నటుడు సంజయ్‌దత్ అకస్మాత్తుగా ఆదివారం మహారాష్టల్రో ఓ బీజేపీ కార్యక్రమంలో ప్రత్యక్షం కావటంపై విపక్షాలు విమర్శలు చేస్తున్నాయి. బీజేపీ జాతి విద్రోహ లక్షణానికి ఇది మంచి ఉదాహరణ అని కాంగ్రెస్ వ్యాఖ్యానించింది. ఇది బీజేపీకి కొత్త కాదని ఆ పార్టీ నేత నిజాముద్దీన్ రరుూన్ అన్నారు.

హైదరాబాద్, మే 2: మారిషస్ కమర్షియల్ కేసులో హైకోర్టు ఆదేశానుసారం కేంద్ర మంత్రి వై సత్యనారాయణ చౌదరి నాంపల్లిలోని 12వ, అదనపు చీఫ్ మెట్రోపాలిటన్ మెజిస్ట్రేట్ కోర్టుకు సోమవారం హాజరయ్యారు. చౌదరిపై ఏప్రిల్ 12న నాన్ బెయిలేబుల్ వారంట్ జారీ అయిన విషయం విధితమే.