న్యూఢిల్లీ, జూలై 24: అంతర్జాతీయ అమెచ్యూర్ అథ్లెటిక్ సమాఖ్య (ఐఎఎఎఫ్) ఆధ్వర్యాన పోలెండ్‌లోని బిడ్గోస్క్‌లో జరుగుతున్న అండర్-20 ప్రపంచ చాంపియన్‌షిప్స్‌లో హర్యానాకు చెందిన రైజింగ్ అథ్లెటిక్ స్టార్ నీరజ్ చోప్రా భారత కీర్తిపతాకాన్ని రెపరెపలాడించాడు. అద్భుత ప్రదర్శనతో 86.48 మీటర్ల దూరం జావెలిన్‌ను విసిరి పసిడి పతకాన్ని కైవసం చేసుకోవడంతో పాటు ప్రపంచ రికార్డును బద్దలు కొట్టి చరిత్ర సృష్టించాడు.

రియో డి జనిరో,జూలై 24: రియో ఒలింపిక్స్ మరో 15 రోజుల్లో ప్రారంభమవుతుండగా ఆదివారం అథ్లెటిక్ విలేజ్ అధికారికంగా ప్రారంభమయింది. దీంతో ఒలింపిక్సలో పాల్గొనే 10 వేలకు పైగా అథ్లెట్లు, మరో 7 వేల మంది అధికారులు ఈ విలేజ్‌లోకి ప్రవేశించడం మొదలవుతుంది. వచ్చే నెల 5న గేమ్స్ ప్రారంభమయ్యే దాకా అథ్లెట్ల రాకడ కొనసాగుతూనే ఉంటుంది.

ముంబయి, జూలై 24: భారత క్రికెట్ కంట్రోల్ బోర్డు( బిసిసిఐ) దాని అనుబంధ సంగాల్లో సమూల మార్పులను తీసుక రావాలంటూ జస్టిస్ లోధా కమిటీ చేసిన సిఫార్సులపై సుప్రీంకోర్టు ఇచ్చిన తీర్పును ముంబయి క్రికెట్ సంఘం (ఎంసిఏ) ఆదివారం యథాతథంగా ఆమోదించింది. దీంతో ముంబయి క్రికెట్ సంఘం అధ్యక్ష పదవినుంచి శరద్ పవార్ తప్పుకోవలసి ఉంటుంది. పవార్ బిసిసిఐ అధ్యక్షుడిగా, ఐసిసి అధ్యక్షుడిగా కూడా పని చేసిన విషయం తెలిసిందే.

ముంబయి: జస్టిస్‌ లోధా కమిటీ సిఫార్సులపై సుప్రీం కోర్టు తీర్పును ఏకగీవ్రంగా ఆమోదించినట్లు ముంబయి క్రికెట్‌ సంఘం ( ఎంసీఏ) అధ్యక్షుడు శరద్‌పవార్‌ ఆదివారం చెప్పారు. క్రికెట్‌ పరిపాలనా రాజ్యాంగాన్ని మార్పులు చేసి తిరిగి రాసుకోవడానికి సుముఖత వ్యక్తం చేస్తున్నట్లు పేర్కొంది. ఎంసీఏ అధ్యక్షుడు శరద్‌పవార్‌ నేతృత్వంలో ఆ సంఘం ఆదివారం సమావేశమైంది.