వందేమాతరం
Published Saturday, 26 August 2017సిరులు పండిన నేలతల్లి
పాడిపంటల కల్పవల్లి
స్వేచ్ఛ లేక కుములుతుంటే
ప్రాణాలే తృణప్రాయంగా
ఏకతాటిపై నిలిచి పోరాడిన
అమరవీరుల గుండె ఘోషే
వందేమాతరం.
బానిసత్వపు బందీ నుండి
భరత జాతిని మేల్కొపుతూ
వరదలా పొంగిన స్వాతంత్య్ర కాంక్షే
వందేమాతరం.
వర్ణమేదైనా వర్గమేదైనా
ఒకే గూటి గువ్వలమంటూ
కోట్లాది భారతీయ గుండెలు పలికే
ఆత్మీయ గీతమే
వందేమాతరం.
స్వేచ్ఛా వాయువుల ప్రవాహంలో
సగర్వంగా రెపరెపలాడిన
మువ్వనె్నల జెండా
ఆనంద తాండవమే
వందేమాతరం.
తరాలు మారినా యుగాలు మారినా
మన భరతావనిలో అణువణువు వినిపించే
అమృత గానమే
వందేమాతరం.