వెయ్యేళ్లయినా ధ్వంసంకాని ప్లాస్టిక్
Published Saturday, 21 October 2017మనం తయారు చేసి వాడి వదిలేసిన ప్లాస్టిక్ కవరు మట్టిలో పూర్తిగా కలసిపోవాలంటే కనీసం 500 నుండి 1000 సంవత్సరాలు పడుతుంది. అంటే ఇప్పుటివరకు మనం తయారు చేసిన ప్లాస్టిక్ వస్తువు లేదా కవర్లేవీ మొదటి దశ స్థాయిలో కూడా ధ్వంసం కాలేదన్నమాట. ప్రతి సెకనుకు ప్రపంచం మొత్తంమీద లక్షా 60వేల ప్లాస్టిక్ కవర్లను వాడుతున్నామట. ఏడాదికి మనం వాడే ప్లాస్టిక్ వస్తువులను పక్కపక్కనే అమరుస్తూ వెడితే మన భూగోళాన్ని ఏడుసార్లు చుట్టేయచ్చట. మనం తయారు చేసిన ప్లాస్టిక్ వ్యర్థాలు ఎక్కువగా సముద్రాల్లోకి చేరిపోతున్నాయి. వాటివల్ల జలచరాలు అంతరించిపోతున్నాయి. ముఖ్యంగా తాబేళ్లు, నీలి తిమింగలాలకు వీటివల్ల ఎంతో ముప్పు ఏర్పడుతోంది.