మేడారం జాతర అంటే గిరిజన సంస్కృతి సంప్రదాయాల వైభవం. గద్దెలపైకి సమ్మక్క సారలమ్మను తోడ్కొని వచ్చినపుడు తమపైనుంచి పూజారులు నడచివెళ్లాలని ఇలా భక్తులు పడుకుని ఉండటం ఓ భక్తిపారవశ్యపు సన్నివేశం. గద్దెపై అమ్మవారి (భరిణ)ని చేర్చి పూజించడం జాతరలో కీలక ఘట్టం. అమ్మవారికి మొక్కులు తీర్చుకోవడంలో ‘బంగారం’ (బెల్లం) సమర్పించడం ఆనవాయితీ. ఈ జాతరవేళ కొందరు పూనకంతో ఊగిపోవడం జాతరలో కనిపించే మరో భక్తితత్త్వం.