ప్రతి వ్యక్తిలో అతనికి తెలియని చెకుముకి రాయి ఉంటుంది.
ఈ రోజటి పరిభాషలో చెప్పాలంటే అగ్గిపుల్ల ఉంటుంది.
ఆ అగ్గిపుల్ల, ఆ చెకుముకి రాళ్లు అతని జీవితానికి సంబంధించినవి.
అది అతని ఇష్టాలు కావొచ్చు.
అతని శక్తిసామర్థ్యాలు కావొచ్చు.
అతని లక్ష్యాలు కావొచ్చు.
వాటివైపు అతని ప్రయాణం కొనసాగుతుందా లేదానన్నది ముఖ్య విషయం.
అతనిలో వున్న చెకుముకి రాయితో అగ్ని రాజేస్తున్నాడా లేదానన్నది ముఖ్యం.
అతనిలో అగ్గిపుల్లని వెలిగిస్తున్నాడా లేదానన్నది ప్రధానం.
వాటిని ఉపయోగించకుండా అతి మామూలుగా వుండిపోతారా అన్న విషయం ఆ వ్యక్తి మీదే ఉంటుంది.
మనం ఏం చేయవచ్చో
ఏ రకంగా మన చుట్టూ వున్న ప్రపంచాన్ని కొంత మేరకు బాగా చేయగలమా అన్నది మన మీదే వుంది.
నిర్వ్యాపకంగా కూర్చుంటే ఫలితం వుండదు.
మన లక్ష్యం మన ముందు, ప్రతి వ్యక్తి ముందు మెదలాలి.
అప్పుడే-
చెకుముకి రాయితో అగ్ని రాజేయగలం.
అగ్గిపుల్లతో
మన కాంక్షని వెలిగించగలం.