ఆమనిలో కోయిల... ....
ఊగుతూ కొమ్మ ఊయల...
లేలేత చివురులు మేయుచునిల
కూయసాగె కుహూ కుహూ గీతికల
రస హృదయాలకు వీనుల విందుగ
భల్ పసందుగ
చతురాంగనల పద నర్తనల
మువ్వల సవ్వడుల గాజుల గలగల గలల
విరజాజుల సంపెంగల పరిమళాల
సెలయేరుల గలగల గల జలజల జల
చిరుగాలులు ముంగురుల సవరింతల
తన్మయ కన్నుల మిలమిల మిలల
రసికత పారే ఎద ఏరుల
రవికాంచిన అరుణారుణ కిరణాల
విరిసె సరోజం మురిసె వసంతం
ఉదయించే ఉషోదయం...
నవోదయం... .... సకల నిఖిల జీవాళికి
శుభోదయం...