పశ్చిమ గ్రీన్‌ల్యాండ్‌లోని ఒక దీవిలోగల ఉపర్నావిక్ అనే మత్స్యకార గ్రామం ఫొటో ఇది. ఈ సంవత్సరం నేషనల్ జియోగ్రాఫిక్ ట్రావెల్ ఫొటో పోటీల్లో ప్రథమ బహుమతి గెలుచుకుంది. ఫొటోగ్రాఫర్ వీమిన్ చు ఈ ఫొటోను తీశాడు. అతను అక్కడికి విమానంలో వెళుతున్నప్పుడు దారి మొత్తం మంచుతో కప్పేసి ఉన్న తెల్లటి భూమి మాత్రమే కనిపించిందట. కానీ అకస్మాత్తుగా చాలా దూరంలో ఒక పెద్ద వేడి చుక్క కనిపించిందట. అదే ఉపెర్నావిక్. అలా ఈ గ్రామ అందం అతనికి ఊహకు అందనంత అద్భుతంగా అనిపించిందట. ఈ గ్రామ జనాభా సుమారు వేయిమంది. మొత్తం దేశంలో 13వ అతిపెద్ద గ్రామం ఇది. ఈ గ్రామంలో వీమిన్ ఆరురోజుల పాటు ఫొటోలు తీస్తూ గడిపాడట. అలా వీధి దీపాల వెలుగులో నడుస్తున్న ఓ కుటుంబం ఫొటో తీశాడు. అదే నేడు బహుమతిని తెచ్చిపెట్టింది.

* ఇది శాన్‌ఫ్రాన్సిస్కో ఇంటర్నేషనల్ ఎయిర్‌పోర్టులోని రన్‌వేల దృశ్యం. ఇక్కడ నాలుగు రన్‌వేలు ఉన్నాయి. విమాన కదలికలను డాక్యుమెంట్ చేయాలన్నది ఈ ఫొటోగ్రాఫర్ స్వప్నం. అందుకోసం అతను దానికి సంబంధించిన అనుమతులను సంపాదించాడు. ఈ ఫొటో తీస్తున్నప్పుడు అక్కడ బలమైన గాలులు వీచాయి. గంటకు 35 నుంచి 45 మైళ్ల వేగంతో గాలులు వీచాయి. అలాంటప్పుడు విమానయానంలో కుదుపులు ఉంటాయి. ఇలాంటి సమయంలో ఒకవైపు అందమైన ఫొటోలు తీస్తూ తనను తాను నియంత్రించుకున్నాడు ఫొటోగ్రాఫర్ జాసెన్ తొదొరోవ్. ఈ ఫొటో రెండో బహుమతిని సొంతం చేసుకుంది.

* స్పెయిన్‌లోని మాన్‌ఫ్రేగ్ నేషనల్ పార్క్‌లో ఆకాశంలో దూసుకుపోతున్న అందమైన గ్రిఫాన్ రాబందు ఇది. మృత పదార్థాలను రీసైకిల్ చేసే పనిని చూసుకునే రాబందులు పర్యావరణంలో చాలా ముఖ్యమైన సభ్యులు. తమారా బ్లాక్వెజ్ హేక్ తీసిన ఈ ఫొటో ప్రకృతి పరంగా తీసిన ఫొటోలలో మొదటి బహుమతిని సంపాదించుకుంది.

* స్విట్జర్లాండ్‌లోని బెర్నీస్ ఓబెర్లాండ్‌లో లేక్ బ్రీన్జ్‌పై పర్వత శ్రేణిని ఐబెక్స్‌లు దాటుతుంటాయి. ఈ ఆల్ప్స్ రారాజులు ఎలా ఉంటాయనేది వాటి శక్తివంతమైన కొమ్ములు చాటుతున్నాయి. కళ్లు తిరిగే ఎత్తులో నివసించడానికి అలవాటుపడ్డ ఐబెక్స్‌లు సుదీర్ఘ పర్వతశ్రేణి పథం, దానిపై మంచుపొర.. ఈ జీవుల సహజ ఆవాసాన్ని చూపుతున్నాయి కదూ.. ఈ ఫొటోను జోనాస్ స్క్ఫార్ అనే ఫొటోగ్రాఫర్ తీశాడు. దీనికి గౌరవ బహుమతి లభించింది.

* న్యూజిలాండ్‌లోని కైకోరా అగాథాల్లో డస్కీ డాల్ఫిన్లు ఆహారానే్వషణలో తరచుగా పెద్దసంఖ్యలో ప్రయాణిస్తుంటాయి. సముద్రంలో సునాయాసంగా జారిపోతుంటాయి. శ్వాస తీసుకోవడానికి మాత్రమే బయటికి వస్తుంటాయి. అలాంటి సమయంలో స్కాట్ పోర్టెలి అనే ఫొటోగ్రాఫర్ తీసిన ఫొటో ఇది. దీనికి తృతీయ బహుమతి లభించింది.

* అల విరిగేముందు ఏం జరుగుతుంది?
ఈ ప్రశ్నను బేస్ చేసుకుని డానీ సెపెకోవ్‌స్కీ అనే ఫొటోగ్రాఫర్ ఏడాది కాలంగా పనిచేశాడు.
ఆ రోజున హవాయిలోని ఓహు తూర్పు వైపు సూర్యాస్తమయం సమయంలో అల
విరుగుతుండగా అతని కెమెరా వ్యూఫైండర్‌లోకి చూసింది. అలా తీసిన
ఈ ఫొటో నేడు రెండో బహుమతిని సంపాదించుకుంది.