బాలీవుడ్ భామ విద్యాబాలన్ ఆసక్తి అంతా ఇప్పుడు జీవితకథలపైనే ఉందట. తాజాగా విద్యాబాలన్ మరాఠీ చిత్రం ‘ఏక్ అల్బెలా’లో నటి గీతాబాలి క్యారెక్టర్‌ను పోషిస్తోంది. ప్రఖ్యాత నటుడు భగవాన్ దాదా జీవితం ఆధారంగా తెరకెక్కిన చిత్రమిది. ఈ చిత్రం గురించి విద్యను కదిలిస్తే- ‘‘ఇది గీతాబాలి జీవిత కథ మాత్రమే కాదు. ఆమె జీవితంలోని అన్ని పార్శ్వాలు చూపించారు. ఈ మధ్య జీవిత కథలతో నావద్దకు చాలా మంది వస్తున్నారు. నాకు కూడా ఇలాంటి కథలంటే బాగా ఆసక్తి కలుగుతోంది కూడా. ఈ చిత్రంలోని పాత్ర కోసం ఎన్నో కసరత్తులు చేశాను. మరాఠీ నుంచి ఇలాంటి మంచి మంచి ఆఫర్లు మరిన్ని వస్తున్నాయి. ఏదైనా ఆచి తూచి అడుగువేస్తాను’’అంటూ చెప్పుకొచ్చింది విద్య.