మనతోపాటు కామన్‌వెల్త్ దేశాల్లో చాలామటుకు కాప్సికమ్ అని పిలిచే ఈ బొండుమిరపను అమెరికాతోపాటు కొన్ని దేశాల్లో బెల్‌పెప్పర్, స్వీట్‌పెప్పర్ అని పిలుస్తారు. బ్రిటన్‌లో అయితే పెప్పర్ అని పిలుస్తారు. జపాన్‌లో ‘పపురికా’ అంటారు. ఘాటు,కారం లేని మిరపజాతి ఇదొక్కటే. మిరపకాయల్లో మంటను కలిగించే ‘కాప్సయిసిన్’ లేకపోవడంవల్ల కాప్సికమ్ మామూలుగా ఉంటుంది. కమలాపళ్లలోకన్నా వీటిలో సి విటమిన్ ఎక్కువ ఉంటుందని చాలామందికి తెలీదు. ఆకుపచ్చ, పసుపు, ఎరుపు, పర్పల్, గోధుమ, తెలుపు రంగుల్లో ఇవి లభిస్తాయి. అన్నింటికన్నా ఎరుపురంగు కాప్సికమ్ రుచి కాస్త తియ్యగా ఉంటుంది. విటమిన్లు, యాంటీఆక్సిడెంట్లుకూడా వీటిలో ఎక్కువ.