హిందూపురం టౌన్, సెప్టెంబర్ 23 : స్వచ్ఛ భారత్ కార్యక్రమంలో భాగంగా స్థానిక రైల్వే అధికారుల ఆధ్వర్యంలో శుక్రవారం రైల్వే సంవాద్ కార్యక్రమాన్ని నిర్వహించారు. ఈ సందర్భంగా రైల్వే ప్రయాణికుల కోసం అమలు చేస్తున్న సదుపాయాల గురించి స్టేషన్‌లో ప్రయాణికులతో అడిగి తెలుసుకున్నారు. మరింత మెరుగైన సేవలు అందించేందుకు ఎలాంటి చర్యలు తీసుకోవాలన్న విషయమై అడిగి తెలుసుకున్నారు. ఈ కార్యక్రమంలో ఎడిఎన్ భరత్ తివారి, డాక్టర్ ప్రతిమ, స్టేషన్ మాస్టర్ సతీష్‌రెడ్డి, ఎస్సై షాజీ, సోమప్ప, ఎస్‌డబ్ల్యుఆర్‌ఎంయూ కార్యదర్శి శేఖర్ తదితరులు పాల్గొన్నారు.