విశాఖపట్నం, నవంబర్ 21: పరిశ్రమల్లో ఉత్పత్తికి ఎటువంటి అంతరాయాలు లేకుండా నిరంతర విద్యుత్‌ను సరఫరా చేసేందుకు ఆంధ్రప్రదేశ్ ఈస్ట్రన్ పవర్ డిస్ట్రిబ్యూషన్ కంపెనీ (ఏపీఈపీడిసిఎల్) ప్రత్యేక కార్యాచరణను తయారు చేస్తోంది. రానున్న వేసవి సీజన్‌తోపాటు ఏ ఒక్కరోజూ విద్యుత్ కోతలు, అంతరాయాలు, సరఫరాలో లోపాలు లేకుండా నిరంతర విద్యుత్ ద్వారా పారిశ్రామిక ఉత్పత్తికి విఘాతం కలుగకుండా చేయాలని సంస్థ లక్ష్యంగా చేసుకుంది.

హైదరాబాద్, నవంబర్ 21: పెద్ద నోట్ల రద్దుకు రెండు రోజుల ముందే హడావుడిగా తమ షేర్లను అమ్మేసుకున్నట్లు వైఎస్సార్ కాంగ్రెస్ పార్టీ ఎమ్మెల్యే, పిఎసి చైర్మన్ బుగ్గన రాజేంద్రనాథ్ రెడ్డి చేసిన ఆరోపణలో వాస్తవం లేదని హెరిటేజ్ ఫుడ్స్ లిమిటెడ్ అధ్యక్షుడు ఎం సాంబశివ రావు ఖండించారు. రెండు రోజుల ముందు హెరిటేజ్ ఫుడ్స్ షేర్లను విక్రయించలేదని ఆయన సోమవారం ఒక ప్రకటనలో పేర్కొన్నారు.

గుంటూరు, నవంబర్ 21: ప్రజల ఆరోగ్యానికి నష్టం జరిగేలా వ్యాపారులు ఆహార పదార్థాల్లో కల్తీచేసి విక్రయిస్తే ప్రభుత్వం కఠిన చర్యలు తీసుకుంటుందని ఆంధ్రప్రదేశ్ వ్యవసాయ శాఖ మంత్రి ప్రత్తిపాటి పుల్లారావు హెచ్చరించారు. సోమవారం గుంటూరు జెడ్పీ సమావేశ మందిరంలో శీతల గిడ్డంగుల నిర్వాహకులు, కారం మిల్లుల యజమానులతో జరిగిన సమావేశంలో ఆయన మాట్లాడారు.

భారత నావికా దళంలోకి మరో కొత్త నౌక చేరింది. ముంబయలోని మజగావ్ డాక్ షిప్ బిల్డర్స్ నిర్మించిన ‘ఐఎన్‌ఎస్ చెన్నై’ యుద్ధ నౌకను రక్షణ శాఖ మంత్రి మనోహర్ పారికర్ సోమవారం నౌకా దళానికి అప్పగించారు. ఈ నౌక 60 శాతం భారత్‌లోనే తయారు కాగా, సెన్సార్లు, ఆయుధాల వంటి వాటిని రష్యా, ఇజ్రాయెల్ దేశాలు సమకూర్చాయ.