శివ్వంపేట, నవంబర్ 21: ప్రమాదవశాత్తు విద్యుత్ వైర్లు తగిలి రైతు మృతి చెందిన సంఘటన శివ్వంపేట మండలంలోని పెద్దగొట్టిముక్కుల గ్రామంలో సోమవారం జరిగింది. కుటుంభ సభ్యుల కథనం ప్రకారం గ్రామానికి గుండం నాగేష్(28) అనే రైతు తన పొలంలో విద్యుత్ వైర్లు తెగి ఉండటంతో ఆ వైర్లు తగిలి మృతి చెందాడు. మృతుని భార్య మంజుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రాజేశ్‌నాయక్ తెలిపారు.

మెదక్, నవంబర్ 21: మెదక్ ఇందిరాగాంధీ స్టేడియంలో జిల్లా స్థాయి వికలాంగుల క్రీడాపోటీలను మెదక్ జిల్లా కలెక్టర్ భారతి హొళ్లికేరి సోమవారం ప్రారంభించారు. మెదక్ స్టేడియంలో ప్రవేశించిన జిల్లా కలెక్టర్‌కు వికలాంగులు పుష్పగుచ్చాలు అందజేసి స్వాగతం పలికారు. ఎవరైతే పుష్పగుచ్చాలు ఇచ్చారో ఆ పుష్పగుచ్చాలను వికలాంగులకు అందజేసి జిల్లా కలెక్టర్ భారతి హొళ్లికేరి వికలాంగులకు శుభాకాంక్షలు తెలిపారు.

హైదరాబాద్ సహా తెలంగాణలోని అన్ని జిల్లాల్లో ప్రైవేట్, కార్పొరేట్ ఆస్పత్రులు చికిత్స కోసం వచ్చే రోగులను వివిధ పరీక్షల పేరుతో భయకంపితులను చేసి జలగల్లా పీడిస్తున్నాయి. చిన్నపాటి జబ్బు చేసినా ప్రైవేటు ఆస్పత్రి మెట్లెక్కితే చాలు దోపిడీ కథ ప్రారంభమవుతుంది. రోగి నుండి పూర్తి సమాచారం సేకరించకుండానే ముందుగా ఫలానా పరీక్షలు చేయించుకుంటేనే వ్యాధి నిర్థారణ చేస్తామని వైద్యులు చెబుతుంటారు.

చదువు, ఉద్యోగం గురించి ఆలోచించాల్సిన వయసులో కొంతమంది యు వకులు దారి తప్పుతున్నారు. కన్నవారి కలలను సాకారం చేయాల్సిన విద్యార్థులకు నేడు ఇంటాబయట సరైన దిశానిర్దేశం లభించడం లేదు. చదువు, నైతిక విలువలు, బాధ్యతలు వంటి అంశాలపై ఇటు ఇంట్లోగాని, అటు కళాశాలల్లో గానీ యువతకు సూచనలిచ్చేవారు కరవవుతున్నారు.