హైదరాబాద్, మే 19: ఆంధ్ర రాష్ట్రంలో కాపులను బిసిల్లో చేర్చే విషయమై నియమించిన జస్టిస్ మంజునాత్ కమిషన్ నివేదిక ఎప్పుడు సమర్పిస్తుందని వైకాపా సీనియర్ నేత అంబటి రాంబాబు ప్రశ్నించారు. గురువారం ఇక్కడ ఆయన విలేఖర్ల సమావేశంలో మాట్లాడుతూ కాపుల సంక్షేమం కోసం కట్టుబడి ఉన్నామని చెబుతున్న ముఖ్యమంత్రి చంద్రబాబు మంజునాథ్ కమిషన్ పనిని వేగవంతం చేయాలన్నారు.

ముంబయి, మే 19: భారత్‌లో తమ శాఖలను దాదాపు సగానికి సగం కుదించనున్నట్లు బ్రిటన్‌కు చెందిన హెచ్‌ఎస్‌బిసి బ్యాంకు గురువారం ప్రకటించింది. బ్యాంకింగ్ లావాదేవీల కోసం ఖాతాదారులు ప్రత్యామ్నాయ మార్గాల వైపు, ప్రత్యేకించి డిజిటల్ ప్రత్యామ్నాయాల వైపు మళ్లుతుండటంతో స్థిరీకరణ ప్రక్రియలో భాగంగా ఈ చర్య చేపడుతున్నామని హెచ్‌ఎస్‌బిసి బ్యాంకు స్పష్టం చేసింది.

హైదరాబాద్, మే 19: రెండు రోజుల్లో మీతో ఒక పెద్ద వార్త పంచుకుంటాను అని రెండు రోజుల క్రితం ఐటి శాఖ మంత్రి కెటిఆర్ ట్విట్టర్‌లో పేర్కొనడం చర్చనియాంశంగా మారింది. మీడియాలో కొందరు బిగ్ న్యూస్ అనే పదాన్ని సంచలన వార్త అని అనువాదం చేయడంతో రాజకీయంగా ఏదైనా జరుగుతుందేమో అంటూ సామాజిక మాధ్యమాల్లో బోలెడు చర్చ జరిగింది. అయతే ఏమిటా బిగ్ న్యూస్? కట్టప్ప బాహుబలిని ఎందుకు చంపారో చెబుతారా?

న్యూఢిల్లీ, మే 19: అసోం, కేరళ రాష్ట్రాల్లో ఓటమిని చవిచూసిన కాంగ్రెస్‌లో విషాద ఛాయలు అలుముకున్నాయి. పార్టీ ఉపాధ్యక్షుడు రాహుల్ గాంధీ నాయకత్వం మరోసారి ప్రశ్నార్థకం కావటంతో కాంగ్రెస్ నాయకులు, కార్యకర్తల్లో ఆందోళన వ్యక్తమవుతోంది. రాహుల్ నాయకత్వంలో బతికి బట్టకట్టగలుగుతామా? అనే అనుమానాలు వ్యక్తమవుతున్నాయి. అసోం, కేరళ, పశ్చిమ బెంగాల్ రాష్ట్రాల్లో రాహుల్ పెద్ద ఎత్తున ఎన్నికల ప్రచారం చేశారు.